«اتا-انالار مەن بالالاردى 1 ماۋسىم - بالالاردى قورعاۋ كۇنىمەن شىن جۇرەكتەن قۇتتىقتايمىن! بالالار — ءبىزدىڭ بولاشاعىمىز. مەملەكەت ءبىلىم بەرۋ سالاسىن دامىتۋعا جانە ەرەكشە قاجەتتىلىگى بار بالالاردى قولداۋعا ەرەكشە كوڭىل بولەدى. اكىمدىك جۇمىستى جۇيەلى نەگىزدە جۇرگىزەدى. ەرەكشە قاجەتتىلىگى بار بالالاردىڭ اتا-انالارىمەن كەزدەسۋ كەزىندە بىرقاتار ماسەلە كوتەرىلدى. ولاردىڭ قاتارىندا وڭالتۋ ورتالىقتارى جەلىسىن كەڭەيتۋ, ينۆاتاكسي سانىن ارتتىرۋ, جۇمىسقا ورنالاسۋ جانە ت.ب. قالادا ەرەكشە قاجەتتىلىگى بار 5,5 مىڭ بالا بار. بالالاردى وڭالتۋ ءۇشىن جاعداي جاسايمىز», - دەدى قالا اكىمى.
ونىڭ ايتۋىنشا, وتكەن جىلدان باستاپ بالالارداعى تسەرەبرالدى پاراليچ, اۋتيزم, داۋن سيندرومى جانە ت. ب. دياگنوزى بار بالالاردى وڭالتۋ ورتالىقتارىن كەڭەيتۋ بويىنشا جۇمىستار باستالدى. ش. ءۋاليحانوۆ كوشەسىندە ورنالاسقان «اسىل ميراس» اۋتيزم ورتالىعىن جاڭا ءۇي-جايمەن قامتۋ اۋتيزم دياگنوزى بار بالالاردى ەكى ەسە كوپ قامتۋعا مۇمكىندىك بەرەدى.
«2019 جىلى «Erekshe balalar» وڭالتۋ ورتالىعىنداعى ءار بالاعا كەتەتىن ءبىر كۇندىك قارجىلاندىرۋ سوماسى 2 820 تگ بولسا, قازىر بۇل قاراجاتتى ەكەى كسە ارتتىردىق. الەۋمەتتىك قىزمەتكەرلەردىڭ جالاقىسى ءوستى, عيمارات بەرىلدى. ورتالىقتا بتسپ دياگنوزى, اۋتيزم, داۋن سيندرومى بار بالالارعا كومەك كورسەتىلەدى. «وردا» وڭالتۋ ورتالىعى داۋن سيندرومى مەن ءاۋتيزمى بار بالالارعا كومەك كورسەتەدى.
ەكىنشىدەن, ەرەكشە قاجەتتىلىگى بار بالالاردىڭ كۇتىمىمەن اينالاسىپ وتىرعان اتا-انالارعا جۇمىسقا ورنالاسۋعا, قوسىمشا ءبىلىم الۋعا, مەديتسينالىق كومەك الۋعا جانە ت. ب. كومەكتەسەمىز.
ۇشىنشىدەن, كورۋ قابىلەتى تومەن بالالارعا ارنالعان بالاباقشا قۇرىلىسى باستالدى. يپپودروم بازاسىندا يپپوتەراپيامەن اينالىسۋعا ارنالعان جابىق مانەج تۇرعىزامىز. سونىمەن قاتار, جازدا وڭالتۋ ورتالىعىنىڭ قۇرىلىسى باستالادى. ينۆاتاكسي سانى ەكى ەسە ءوستى.
تورتىنشىدەن, جاڭا عيماراتتاردىڭ ءبىرىنشى قاباتتارىندا مەديتسينالىق ورتالىقتار, بالاباقشالار, وڭالتۋ ورتالىقتارى ورنالاسادى. وسى باعىتتا جۇمىستى جۇيەلى نەگىزدە جۇرگىزەمىز», - دەدى قالا اكىمى التاي كولگىنوۆ.
