اپات سالدارىن جويىپ, قالپىنا كەلتىرۋ جۇمىستارىنىڭ بارىسى باياندالعان لەزدەمەلىك ماجىلىستە وبلىس اكىمى ومىرزاق شوكەەۆ جاڭادان بوي كوتەرگەن ىقشام اۋداندا ورتالىق الاڭ سالۋدىڭ قاجەتتىگىن ايتتى. بۇگىندە جەڭىس, جاڭاتۇرمىس, دوستىق ەلدى مەكەن تۇرعىندارىنىڭ كەلىسىمى بويىنشا, مىرزاكەنت كەنتىندە 425 جەكە تۇرعىن ءۇيدىڭ قۇرىلىسى جۇرگىزىلۋدە. ونىڭ ىشىندە 235 تۇرعىن ءۇي مەملەكەتتىك بيۋدجەت ەسەبىنەن, قالعان 190 تۇرعىن ءۇيدىڭ 150-ءى «ب.وتەمۇراتوۆ», 20-cى «ساليقالى ۇرپاق», 20-cى ء«بىز بىرگەمىز!» قورلارىنىڭ دەمەۋشىلىگىمەن سالىنۋدا. جالپى 839 تۇرعىن ۇيگە اككرەديتتەلگەن ساراپشىلار تاراپىنان تەحنيكالىق زەرتتەۋ جۇمىستارى جۇرگىزىلىپ, 623 ۇيگە قورىتىندى الىنعان.
قازىرگى تاڭدا 32 مەردىگەر مەكەمە 383 تۇرعىن ءۇيدىڭ قۇرىلىس-مونتاج جۇمىستارىن جۇرگىزۋدە. قۇرىلىس اۋماعىندا 360 ءۇيدىڭ ىرگەتاسى قۇيىلعان. ال 30 ءۇيدىڭ قابىرعاسى قالانۋدا. قۇرىلىس الاڭىنا 1124 ادام مەن 68 ارنايى تەحنيكا قۇرىلىس- مونتاج جۇمىستارىنا جۇمىلدىرىلعان. جاڭا سالىنىپ جاتقان تۇرعىن ۇيلەرگە ينجەنەرلىك ينفراقۇرىلىم جۇرگىزىلىپ, فيردوۋسي مەن ورگەباس ەلدى مەكەنىندەگى سۋمەن جابدىقتاۋ جۇيەلەرى قالپىنا كەلتىرىلۋدە.
تۇركىستان وبلىسى
