مەملەكەتتىك ەمتيحان تاپسىرۋ 2 كەزەڭنەن تۇرادى: ءبىرىنشىسى – تەوريالىق, ەكىنشىسى – قارۋ-جاراق پەن اسكەري تەحنيكانى قولدانۋ ماشىقتىعىن كورسەتەتىن پراكتيكالىق كەزەڭ. سونىمەن قاتار, جىلدامدىعىن, يكەمدىلىگىن, كۇشى مەن شىدامدىلىعى سىندى فيزيكالىق قاسيەتتەرىن تەكسەرۋ ءۇشىن دەنە دايىندىعى نەگىزگى ءپان رەتىندە ەنگىزىلگەن, دەپ رەجباي ءباسپاسوز قىزمەتى.
رەجباي باستىعى گەنەرال-مايور اسقار مۇستابەكوۆتىڭ ايتۋىنشا, مەملەكەتتىك قورىتىندى اتتەستاتسيانىڭ ماقساتى – بىتىرۋشىلەردىڭ بىلىكتىلىك تالاپتارىنىڭ دەڭگەيى مەن ساپاسىن تەكسەرۋ بولىپ تابىلادى.
ءبىتىرۋشى كۋرسانتتار ءۇشىن بۇل وتە جاۋاپتى كەزەڭ. ەمتيحان بارىسىندا مەڭگەرگەن ماماندىقتارىنا سايكەس تەوريالىق جانە پراكتيكالىق بىلىمدەرىنىڭ دەڭگەيى تەكسەرىلەدى, - دەپ اتاپ ءوتتى ول.
مەملەكەتتىك ەمتيحاندار اياقتالعان سوڭ كۋرسانتتار ديپلوم جوبالارىن قورعايدى.
بيىلعى 2020 جىلى رەجباي 14-ءشى رەت 141 تۇلەگىن 8 ماماندىق بويىنشا شىعارىپ سالماق. راديوەلەكترونيكا جانە بايلانىس اسكەري-ينجەنەرلىك ينستيتۋتى زەنيتتى زىمىراندى, راديوتەحنيكالىق اسكەرلەرى, اسكەرلەر مەن قارۋ-جاراقتى اۆتوماتتاندىرىلعان باسقارۋ جۇيەلەرى ينجەنەرلەرى, بايلانىس اسكەرلەرى, اۆياتسيانى راديوتەحنيكالىق قامتاماسىز ەتۋ ماماندىقتارى ءۇشىن بىلىكتى وفيتسەرلەردى دايارلايدى.
