ساپار بارىسىندا اليك ايدارباەۆ قوس ءوڭىردىڭ باسشىلارىمەن كەزدەستى. اتىراۋ وبلىسىنىڭ اكىمى ماحامبەت دوسمۇحامبەتوۆپەن COVID-19 ىندەتىنىڭ تارالۋىنا بايلانىستى تەڭىز كەن ورنىنداعى جاعداي تالقىلاندى. ال ماڭعىستاۋ وبلىسىنىڭ اكىمى سەرىكباي ترۇموۆپەن كەزدەسۋدە كومپانيانىڭ ءوندىرۋشى كاسىپورىندارىنداعى ۆاحتالىق اۋىسىمدى ۇيىمداستىرۋ ماسەلەلەرى قارالدى.
قمگ باسشىسى جۇمىس ساپارى بارىسىندا ەنشىلەس كاسىپورىندار, سەرۆيستىك كومپانيالار باسشىلارى جانە كاسىپوداق ۇيىمدارىنىڭ توراعالارىمەن دە جينالىس وتكىزدى. ءوز سوزىندە اليك ايدارباەۆ ىندەتتىڭ الدىن الۋ بويىنشا قابىلدانىپ جاتقان شارالاردىڭ ارقاسىندا كەن ورىندارداعى جاعداي تۇراقتى ەكەنىن اتاپ ءوتتى. سونىمەن قاتار, ءوندىرىس ورىندارىندا الدىن الۋ شارالارىن ءارى قاراي قاتاڭ ساقتاۋدى تاپسىردى.
- كوروناۆيرۋس ينفەكتسياسىنىڭ تارالۋىن بولدىرماۋ بويىنشا جۇمىستى جالعاستىرىپ, الدىن الۋ شارالارىن قاتاڭ ساقتاۋ ماڭىزدى. بۇل – بارلىق دەڭگەيدەگى باسشىلارعا جاۋاپكەرشىلىك جۇكتەيدى», – دەدى اليك ايدارباەۆ.
قمگ باسشىسى كومپانيانىڭ قارجىلىق جاي-كۇيىنە دە توقتالىپ كەتتى. نارىقتىق جاعدايدىڭ تەرىس اسەرىن ازايتۋ ءۇشىن «قازمۇنايگاز» داعدارىسقا قارسى باعدارلامانىڭ تۇجىرىمداماسىن ازىرلەدى.
- قازىر جاعداي كۇردەلى. كومپانيانى ساقتاپ قالۋ ءۇشىن ءتيىمدى شارالار قابىلداۋ قاجەت. ءبىز قارجىلىق جاعدايدى تۇراقتاندىرۋعا, شىعىندى تومەندەگەن كىرىسكە سايكەس كەلتىرۋگە جانە داعدارىستان كەيىنگى كەزەڭگە دايىندىققا باعىتتالعان داعدارىسقا قارسى باعدارلامانىڭ تۇجىرىمداماسىن ازىرلەدىك, - دەپ اتاپ ءوتتى قمگ باسشىسى.
ىسكە اسىرىلىپ جاتقان داعدارىسقا قارسى شارالار اياسىندا بارلىق كومپانيالار توبى بويىنشا شىعىن 146 ملرد تەڭگەگە قىسقارتىلدى. ورتالىق اپپاراتتىڭ ۇيىمدىق قۇرىلىمى قايتا قارالىپ, قىزمەتكەرلەر سانى 34%-عا وڭتايلاندىرىلدى. توپ-مەنەدجەرلەردىڭ جالاقىسى 30%-عا, ورتا بۋىن باسشىلارىنىڭ جالاقىسى 20%-عا قىسقاردى. سونداي-اق جىل سوڭىنا دەيىن بارلىق سىياقى مەن بونۋستار الىنىپ تاستالدى. دەگەنمەن, قاتارداعى قىزمەتكەرلەردىڭ جالاقىسى بۇرىنعى دەڭگەيدە ساقتالدى. بۇعان قوسا ورتالىق اپپاراتتا باسشىلارعا ارنالعان قىزمەتتىك كولىكتەن باس تارتىلدى.
- ەنشىلەس ۇيىمدار تۋرالى ايتاتىن بولساق, ءوندىرىس پەن قىزمەتكەرلەردى جۇمىسپەن قامتىلۋىنا قاتىسى جوق بارلىق شىعىندار قىسقارتىلدى. جاعدايعا قاراي تاعى قانداي شىعىنداردى ازايتۋعا بولاتىنىن الداعى ۋاقىتتا كورە جاتارمىز. وندىرىستەگى قىزمەتكەرلەردى قىسقارتۋ جوسپارىمىزدا جوق. باستى مىندەتىمىز – جۇمىس ورىندارىن ساقتاپ قالۋ. بىرلەسە وتىرىپ, قيىندىقتى ەڭسەرەتىنىمىزگە سەنىمدىمىن, - دەدى اليك ايدارباەۆ.
«قازمۇنايگاز» ۇك اق باسقارما توراعاسى اليك ايدارباەۆ ەنشىلەس كاسىپورىنداردىڭ باسشىلارىنا جولداعان ۇندەۋىندە قۋات كوزدەرىنە سۇرانىستىڭ جانە مۇنايعا الەمدىك باعانىڭ تومەندەۋى كومپانياعا قالاي اسەر ەتەتىنىن ايتىپ بەردى. ونىڭ ايتۋىنشا, جىلدىڭ قورىتىندىسى بويىنشا قمگ قارجىلىق كورسەتكىشتەرى ەداۋىر تومەندەيدى دەپ كۇتىلەدى. بۇدان باسقا, وپەك+ كەلىسىمى اياسىندا كومپانيا ءوندىرىستى ازايتادى, بۇل مەردىگەرلىك ۇيىمداردىڭ ءتيىستى جۇمىس كولەمىنىڭ ازايۋىنا اكەلەدى.
- سوندىقتان ەنشىلەس جانە سەرۆيستىك كومپانيالاردىڭ باسشىلارى قالعان جۇمىس كولەمىن جىل سوڭىنا دەيىن ءتيىمدى ۇلەستىرۋلەرى قاجەت. مۇمكىن جۇمىس كەستەسىن وزگەرتۋگە تۋرا كەلەدى. وسى ماسەلەنى جەرگىلىكتى دەڭگەيدە ءالى دە مۇقيات پىسىقتاۋىمىز كەرەك. بىراق تاعى دا قايتالاپ ايتامىن, بارلىق وندىرىستىك قىزمەتكەرلەردىڭ جۇمىس ورىندارى ساقتالۋى ءتيىس, - دەپ تاپسىردى قمگ باسشىسى.
اتىراۋ وبلىسىنا ساپارى بارىسىندا قمگ باسشىسى بىرىكتىرىلگەن گاز-حيميالىق كەشەنى قۇرىلىسىنىڭ بارىسىمەن دە تانىستى. قازىرگى كەزدە جوبانىڭ دايىندىعى 66%- دى قۇرايدى. جالپى قۇرىلىس جۇمىستارى اياقتالىپ قالدى. سىيىمدىلىق جانە جىلۋ الماستىرۋ جابدىعىنىڭ, مەتالل كونسترۋكتسيالاردىڭ جانە قۇبىرلاردىڭ مونتاجى جۇرگىزىلۋدە. الداعى كەزەڭدە كۇردەلى تەحنولوگيالىق جابدىقتىڭ قۇبىرلارىن جيناقتاۋ, مونتاجداۋ جانە بەكىتۋ جۇمىستارىن باستاۋ جوسپارلانىپ وتىر. سونداي-اق اليك ايدارباەۆ اتىراۋ وزەن پورتىنا بارىپ, وندا وڭتۇستىك كورەيادا جاسالعان اسا ماڭىزدى وتە اۋقىمدى جابدىقتىڭ تەڭىز كولىگىمەن جەتكىزۋ بارىسىمەن تانىستى.
