ىندەتتىڭ تارالۋىنا توسقاۋىل قويۋ ماقساتىندا قويىلعان بەكەتتەر مەملەكەت باسشىسىنىڭ تاپسىرماسىنا سايكەس بۇگىن الىندى.
توسقاۋىل بەكەتىنىڭ باسىندا وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى بەكتورە سۇلتان قىزمەتكەرلەرگە العىس ءبىلدىردى.
جەتپىس سەگىز تاۋلىك بويى كارانتين رەجيمىنىڭ ساقتالۋىن قامتاماسىز ەتۋ وڭاي ەمەس. وسى اۋىر مىندەتتى ابىرويمەن اتقارىپ شىققان مەديتسينا قىزمەتكەرلەرىنە, ەرىكتىلەر مەن پوليتسەيلەرگە ىشكى ىستەر ءمينيسترى ەرلان تۇرعىمباەۆتىڭ اتىنان العىس ايتامىن, – دەدى ول.
ەرىكتىلەر پوليتسيا قىزمەتكەرلەرىمەن قاتار رەيدتىك شارالارعا قاتىسىپ, قاۋىپسىزدىك شارالارى جونىندە تۇرعىندار اراسىندا تۇسىندىرمە جۇمىستارىن جۇرگىزدى. دارىگەرلەر ادام ءومىرىن قۇتقارۋ ءۇشىن جانىن سالىپ, قىزمەت ەتتى.
ءمينيستردىڭ بۇيرىعىمەن 10 پوليتسيا قىزمەتكەرى مەن 7 ەرىكتى ماراپاتتالدى. بەكەتتە قىزمەت ەتكەن بىرقاتار ازاماتتارعا وبلىس اكىمى مەن قالا باسشىسىنىڭ العىس حاتى تابىستالدى.
توتەنشە جاعداي كەزەڭىندە وبلىس اۋماعىندا 38 بەكەت جۇمىس جاساپ, 1000-نان استام پوليتسەي جۇمىلدىرىلعان.
