سەناتورلار الداعى وتىرىستا ەۋرازيالىق ەكونوميكالىق وداق پەن قىتاي حالىق رەسپۋبليكاسىنىڭ كەدەندىك شەكارالارى ارقىلى وتكىزىلەتىن تاۋارلار مەن حالىقارالىق تاسىمالدىڭ كولىك قۇرالدارى جونىندە اقپارات الماسۋ تۋرالى كەلىسىمنىڭ راتيفيكاتسياسىن, زاڭنامالىق اكتىلەرگە سوعىس جاعدايى, لوتەرەيالار جانە لوتەرەيا قىزمەتى ماسەلەلەرى بويىنشا تۇزەتۋلەر ەنگىزۋ تۋرالى زاڭ جوبالارىن, سونداي-اق, قازاقستان رەسپۋبليكاسىنىڭ ازاماتتىق پروتسەستىك كودەكسىنە سوتتار جۇمىسىنىڭ زاماناۋي فورماتتارىن ەندىرۋ, ارتىق سوت راسىمدەرى مەن شىعىندارىن قىسقارتۋ ماسەلەلەرى بويىنشا تۇزەتۋلەردى قاراۋدى جوسپارلاپ وتىر.
بيۋرودا ماجىلىستەن كەلىپ تۇسكەن زاڭ جوبالارى سالالىق كوميتەتتەر اراسىندا ءبولىنىپ بەرىلدى.
قارجى جانە بيۋدجەت كوميتەتى «اۆتوموبيل كولىگى تۋرالى» قازاقستان رەسپۋبليكاسىنىڭ زاڭىنا حالىقارالىق اۆتوموبيل تاسىمالدارىن قاداعالاپ وتىرۋ ماسەلەلەرى بويىنشا تولىقتىرۋلار ەنگىزۋ تۋرالى» زاڭ جوباسى بويىنشا باس كوميتەت بولىپ بەلگىلەندى.
ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا بۇدان بىلايعى پىسىقتاۋ جۇمىستارىمەن شۇعىلداناتىن بولدى.
باس كوميتەتتەرگە قازاقستان رەسپۋبليكاسى پارلامەنتى سەناتىنىڭ باسقا كوميتەتتەرىنىڭ ۇسىنىستارىن جيناقتاپ قورىتۋ جانە وسى قۇجاتتار بويىنشا قورىتىندىلار دايىنداۋ تاپسىرىلدى.
