بىلىكتى كادرلاردى دايارلاۋ ۇدەرىسىندە پەداگوگ كاسىبىنىڭ مارتەبەسىن كوتەرۋ, شىعارماشىلىق قابىلەتتەرىن انىقتاۋ, ولاردىڭ كاسىپتىك جانە تۇلعالىق ءوسۋىن ىنتالاندىرۋ ماقساتىندا جىل سايىن ۇيىمداستىرىلاتىن «ۇزدىك پەداگوگ – 2020» ىرىكتەۋ بايقاۋىنا ءبىلىم بەرۋ جۇيەسىنىڭ بىلىكتى باسشىلارى, تاجىريبەلى جەتەكشىلەرى ادىلقازىلىق جاسادى.
اتاپ ايتساق, الماتى قالاسى ءبىلىم باسقارماسى تجكبب ءبولىمىنىڭ باس ماماندارى ىزباەۆا ءۇ.ج., ابيشاەۆ ە.م., «ورلەۋ» باۇو» اق فيليالى الماتى قالاسى بويىنشا پقباي ببپپپس كافەدرا زەرتحاناسىنىڭ مەڭگەرۋشىسى, رەسپۋبليكالىق «الماتى ۇستازى/ۋچيتەل الماتى» جۋرنالىنىڭ جاۋاپتى رەداكتورى اسىلبەك پ.ءو., «ورلەۋ» باۇو» اق فيليالى الماتى قالاسى بويىنشا پقباي يببجات كافەدرا زەرتحاناسىنىڭ مەڭگەرۋشىسى بەلگيباەۆا م.ب., الماتى قالاسى ءبىلىم باسقارماسى قببجتعاو تجكبب ءبولىمىنىڭ ادىسكەرلەرى كەنەسباەۆا س.ا,.تانيربەرگەنوۆا گ.ب., الماتى قالاسى كاسىپكەرلەر پالاتاسى ادامي كاپيتالدى دامىتۋ ءبولىمىنىڭ 1 ساناتتى ساراپشىسى يبراگيموۆا ج. م., «ۇزدىك پەداگوگ – 2019» رەسپۋبليكالىق بايقاۋىنىڭ جەڭىمپازى مامىربەكوۆ ە.م. جانە كوللەدج باسشىلارى ادىلقازىلار قۇرامىندا ونلاين رەجيمىندە جۇمىس جاسادى. قازىلار القاسىنىڭ توراعاسى الماتى قالاسى ءبىلىم باسقارماسى باسشىسىنىڭ ورىنباسارى ك.ي.جۋمانوۆ, قازىلار القاسى توراعاسىنىڭ ورىنباسارى الماتى قالاسى ءبىلىم باسقارماسى تجكبب ءبولىمىنىڭ باسشىسى مۇحانبەتوۆ ا.گ., جانە كونكۋرستى ۇيىمداستىرۋ كوميتەتىنىڭ حاتشىسى الماتى قالاسى ءبىلىم باسقارماسى قببجتعاو تجكبب ءبولىمىنىڭ جەتەكشىسى گ.ج. سۇلەيمەنوۆا كونكۋرستىڭ اشىق, ءادىل ءوتۋىن قاداعالادى.
ەكى كۇن قاتارىنان ونلاين تارتىبىندە وتكەن كونكۋرسقا تۇسكەن 21 جۇمىستىڭ اراسىنان جۇلدەگرەدى انىقتاۋ ادىلقازىلار القاسىنا دا وڭايعا سوقپادى. كونكۋرس ەرەجەسىنە سايكەس دايىندالعان كىلەڭ مىقتى پەداگوگتاردىڭ تاجىريبەسى, مەتوديكاسى, جەتىستىكتەرى بىرىنەن-ءبىرى اسىپ تۇسەدى. ايتسە دە, كونكۋرستىڭ اتى كونكۋرس. ادىلقازىلار القاسى شەشىم شىعارىپ, جەڭىمپازداردى انىقتادى. 1-ورىندى الماتى مەملەكەتتىك پوليتەحنيكالىق كوللەدجىنىڭ ارنايى پاندەر وقىتۋشىسى ن.م. كوسەروۆا (ديرەكتور م.ا.وماربەكوۆ), 2-ورىندى الماتى تۋريزم جانە قوناقجايلىلىق يندۋسترياسى كوللەدجىنىڭ ارنايى پاندەر وقىتۋشىسى ل.س. چۋلاكوۆا (ديرەكتور ن.ج.جابىقباەۆ), 3-ورىندى الماتى ەلەكترومەحانيكالىق كوللەدجىنىڭ ارنايى پاندەر وقىتۋشىسى ە.س. احمەتوۆ (ديرەكتور ب.د.بوزىمباەۆ) يەلەندى. جەڭىمپاز ۇستازدار كونكۋستىڭ قالالىق كەزەڭىندە باق سىنايدى. قالالىق كەزەڭدە 1-ءشى ورىندى يەلەنگەن وقىتۋشىعا الماتىنىڭ «ۇزدىك پەداگوگ» اتاعى بەرىلەدى. سونىمەن قاتار الماتىنىڭ «ۇزدىك پەداگوگ» اتاعىنىڭ يەگەرىنە كەمىندە ايلىق ەسەپتىك كورسەتكىشتىڭ 300 ەسەلەنگەن مولشەرىندە سىياقى تولەنەدى. قالالىق كونكۋرستىڭ جەڭىمپازدارى تامىز-قىركۇيەك ايلارىندا وتەتىن رەسپۋبليكالىق «ۇزدىك پەداگوگ» اتاعىن بەرۋ كونكۋرسىنا ۇسىنىلادى. رەسپۋبليكالىق كەزەڭنىڭ سىياقىسى قالالىققا قاراعاندا الدەقايدا قوماقتى. بەرىلەتىن اتاق-دارەجەسى دە سالماقتى. ەندەشە, الماتىنىڭ جەڭىمپاز ۇستازدارى سىننان سۇرىنبەي ءوتىپ, الماتى شاحارىن جەمىستى جەڭىسىمەن قۋانىشقا بولەيدى دەگەن سەنىمدەمىز.
