اۋدان ورتالىعىندا وتكەن جىلدىڭ جەلتوقسان ايىندا 4 جەر بۇرعىلاندى. يگى باستاماعا «اۋىل – ەل بەسىگى» باعدارلاماسى اياسىندا 7,5 ملن تەڭگە ءبولىنىپتى. جوبا جازدا ەلدى مەكەندەگى سۋ تاپشىلىعىن جويۋعا ارنالعان. الداعى جوسپار – سۋ ساقتاۋ رەزەرۆۋارىنىڭ قۇرىلىسى.
– كۇننىڭ كۇرت ىسۋىنان جەراستى سۋلارى ازايىپ كەتتى. ۇڭعىمالاردان كەلەتىن سۋ جەتكىلىكسىز. سوندىقتان ءبىز يتالياندىق سورعىعا تاپسىرىس بەردىك,– دەيدى «ارشالى سۋ-2030» كاسىپورنى باسشىسىنىڭ مىندەتىن اتقارۋشى گريگوري كۋتلۋباەۆ.
ارشالى پوسەلكەسىندە قۇبىر جۇيەلەرى ارقىلى جازعى سۋارۋمەن قامتۋ 15 پروتسەنتتى عانا قۇرايدى. سۋمەن جابدىقتاۋ ءوڭىردىڭ بارلىق اۋداندارىندا قارقىندى ءجۇرىپ جاتىر دەپ ايتۋ قيىن. زەرەندى اۋدانىنا قاراستى وزەن اۋىلىنىڭ تۇرعىندارى سۋ قۇبىرىن تارتىپ بەرۋدى سۇرايدى. بۇل ماسەلەنىڭ انىق-قانىعىن ءبىلۋ ءۇشىن ءبىز كۇسەپ سەلولىق وكرۋگىنىڭ اكىمىنە جولىقتىق. وزەن اۋىلى اتالعان وكرۋگكە جاتادى.
– اۋىلدا ورتالىقتاندىرىلعان سۋ جۇيەسى جوق. باعدارلاما بويىنشا الداعى ۋاقىتتا وزەن, وركەن اۋىلدارىنا ورتالىقتاندىرىلعان سۋ جۇيەسى ىسكە قوسىلادى دەگەن جوسپار بار, بيىل جوبالىق-سمەتالىق قۇجاتتاماسىن دايىندايمىز. سۋ قورىنا قاتىستى ماسەلە تۋىنداعان جوق. وتكەن جىلى وزەن اۋىلىنداعى مەكتەپكە سۋ تارتتىق,–دەيدى كۇسەپ سەلولىق وكرۋگىنىڭ اكىمى بەركەندە بەكبولاتوۆ.
سەكسەن كولدى كوكشە باۋىرى سۋلى, نۋلى ولكە بولسا دا, اۋىز سۋدىڭ ازابىن تارتىپ كەلگەن اۋىلدار از ەمەس. الداعى ۋاقىتتا باعدارلاما اياسىندا بۇل كەمشىلىك جويىلاتىن ءتارىزدى.
