فوتو اۆتورى: ماكسيم زولوتۋحين
«شەكتەۋ شارالارىن جەڭىلدەتۋ شەڭبەرىندە, 1 ماۋسىمنان باستاپ, فيتنەسس-ورتالىقتارى, سپا-سالوندارى, قوعامدىق مونشالار جانە ساۋنالار جۇمىستارىن قايتا باستايدى», - دەلىنگەن شاھاردىڭ باس سانيتارىنىڭ قاۋلىسىندا.
نىسانداردىڭ قىزمەتىنە بارلىق ەپيدەميولوگيالىق شارالار قاتاڭ ساقتالعان جاعدايدا رۇقسات ەتىلەدى.
جۇمىستى باستار الدىندا, ۇيىمدار الماتى قالاسىنىڭ باس مەملەكەتتىك سانيتاريالىق دارىگەرى قاۋلىسىنىڭ ەرەجەلەرىمەن تانىسۋى جانە نىسانداردى بارلىق قاجەتتى تالاپتارعا سايكەس دايىنداۋى ءتيىس, ول تالاپتار: جايلاردا كۇشەيتىلگەن سانيتاريالىق-دەزينفەكتسيالىق رەجيمدى, الەۋمەتتىك قاشىقتىقتى ساقتاۋ جانە ت.ب.
بۇدان ءارى, نىساندار infokazakhstan.kz سايتىنا تىركەلۋى ءتيىس, وندا ولار وزدەرىنىڭ ازىرلىگىن راستايدى جانە حابارلاماعا ەلەكتروندى-تسيفرلىق قولتاڭباسىمەن قول قويۋ جولىمەن جازىلعان نورمالاردى ساقتاۋعا كەپىلدىك بەرەدى.
ءارى قاراي, ولاردىڭ كارانتيندىك شارالاردى ورىنداۋ بارىسىن مونيتورينگتىك توپ رەيدتىك تەكسەرۋلەر جۇرگىزۋ كەزىندە قاداعالايتىن بولادى.
بۇزۋشىلىقتار انىقتالعان جاعدايدا, نىساندارعا, ولاردى تولىق جابۋعا دەيىنگى اكىمشىلىك جاۋاپكەرشىلىك جۇكتەۋ قاۋپى بار.
جۇمىس ورىندارىنا تىكەلەي قاجەتتى قىزمەتكەرلەر سانىن كاسىپورىن باسشىلارى وزدەرى بەلگىلەيتىنىن قوسىمشا حابارلايمىز. سۇلۋلىق جانە دەنساۋلىق يندۋسترياسىنىڭ نىساندارى ءۇشىن جۇمىس كەستەسى شتات رەجىمىندە قالىپ وتىر.
جالپى العاندا, جۇمىسقا جالپى 7,2 مىڭ ادام سانىمەن 900-دەن استام نىسان ورالادى دەپ كۇتىلۋدە.
بۇدان باسقا, بۇرىن حابارلانعانداي, 1 ماۋسىمنان باستاپ, شەكتەۋلەر ازىرلىك باعالاۋىنان وتكەن ازىق-ت ۇلىكتىك ەمەس بازارلاردان الىناتىن بولادى.
