پرەزيدەنتتىڭ ءبىلىم بەرۋ مەن عىلىم جۇيەسىن رەفورمالاۋ قاجەتتىلىگىنە توقتالۋى ۇستازدار قاۋىمىنىڭ ماقسات-مۇددەسىمەن ۇندەس كەلەدى. ويتكەنى ادام كاپيتالىن ارتتىرۋ ۇرپاق تاربيەسىندەگى جەتىستىكتەرمەن ولشەنەدى.
ءبىلىم بەرۋ جۇيەسىن دامىتۋعا جانە پەداگوگتەر مارتەبەسىن ارتتىرۋعا باعىتتالعان جۇمىستاردىڭ مەملەكەتتىك دەڭگەيدە قولعا الىنعانىنا ريزاشىلىعىمىز زور. ەلىمىزدە «پەداگوگ مارتەبەسى تۋرالى» زاڭ قابىلدانىپ, يگى ىستەر اتقارىلۋدا. مەملەكەت باسشىسى جاڭا وقۋ جىلى قارساڭىندا ء«Bىlىm jáne Ǵylym» اتتى رەسپۋبليكالىق تامىز كەڭەسىنە قاتىسىپ, ءبىلىم سالاسى قىزمەتكەرلەرىمەن كەزدەستى. بۇل – بارلىق پەداگوگتەرگە دەگەن قۇرمەتتىڭ بەلگىسى. مىنەكەي, ەندى سول زاڭدا بەكىتىلىپ, تامىز كەڭەسىندە تاپسىرعان ناقتى جۇمىستار ءوز جەمىسىن بەرىپ كەلەدى. ۇلتتىق قوعامدىق سەنىم كەڭەسىنىڭ كەزەكتى وتىرىسىندا دا پرەزيدەنت ەلىمىزدىڭ جارقىن كەلەشەگى – ۇلتتىق قۇندىلىقتارعا قانىعىپ وسكەن, تانىمى تەرەڭ, ويى وزىق ۇرپاقتى تاربيەلەيتىن مۇعالىمدەر قاۋىمىنا جۇكتەلەر جاۋاپكەرشىلىكتىڭ زور ەكەنىنە توقتالا كەلە, ۇستازداردىڭ جالاقىسى وسەتىنىن مالىمدەدى. ۇستازدار قاۋىمىن ناقتى قولداۋ – ەلىمىزدىڭ جارقىن بولاشاعى بولار ءبىلىمدى ۇرپاعىنا دەگەن قامقورلىقتىڭ كورسەتكىشى دەپ بىلەمىز.
ۇلتتىق كەڭەس وتىرىسىندا ءسوز ەتىلگەن پەداگوگيكالىق ماماندىققا وقۋعا ءتۇسۋ تالاپتارىن ارتتىرۋ, ءبىلىم باعدارلامالارىن جاڭارتۋ, ءىت-قۇزىرەتتىلىككە وراي ارنايى ءمودۋلدىڭ جانە ءبىلىم بەرۋدىڭ جاڭا تەحنولوگيالارى مەن ادىستەرىنىڭ ەنگىزىلۋ قاجەتتىلىگى, پەداگوگتەردى دايارلايتىن ارنايى وقۋ ورىندارىنىڭ بولۋى كەرەگى, وسى ماماندىقتا وقىپ جاتقان ستۋدەنتتەردىڭ شاكىرتاقىسىن كوتەرۋ, جاتاقحانالارمەن قامتاماسىز ەتۋ, جوو اراسىنداعى باسەكەلەستىكتى ارتتىرۋ سىندى ناقتى قادامدار ءبىلىم بەرۋ سالاسىنا وڭ وزگەرىستەر اكەلەتىنى ءسوزسىز.
مەكتەپ ينفراقۇرىلىمىن دامىتۋ, ياعني زاماناۋي تالاپتارعا ساي سىنىپتار مەن وقۋ جابدىقتارىمەن قامتاماسىز ەتۋ, اۋىل مەكتەپتەرى مەن قالا مەكتەپتەرى اراسىنداعى ايىرماشىلىقتى ازايتۋ, مەكتەپ جانىنداعى ينتەرناتتاردىڭ جۇمىسى ماسەلەلەرىنىڭ تالقىلاۋدان تىس قالماۋى دا كوڭىل قۋانتادى. بۇل قازىرگى تاڭدا وزەكتى ماسەلەلەرگە اينالىپ وتىرعانى بەلگىلى.
مۇنىڭ ءبارى ءبىلىم سالاسىن العا سۇيرەيتىن ايقىن باعىتتار مەن باستامالار بولدى. ەڭ باستىسى ۇلتتىق كەڭەستە بەلگىلەنگەن جوسپارلار مەن ماقسات-مىندەتتەردى جۇزەگە اسىرۋدا ارقايسىمىز جاۋاپكەرشىلىك تانىتۋىمىز قاجەت. سونىڭ ىشىندە ۇستازدارعا ارتىلار جۇك تە, سەنىم دە زور ەكەنىن سەزىنەمىز.
بايان تەمىرجانقىزى,
ء«بىلىم-يننوۆاتسيا» ليتسەي-ينتەرناتىنىڭ مۇعالىمى, «ۇزدىك پەداگوگ-2019» بايقاۋىنىڭ جەڭىمپازى
اقتوبە وبلىسى
