جالپى قايىرىمدى جاندار 15 ملن تەڭگەگە 5-9 سىنىپ وقۋشىلارىنا 251 جيناقتاما كيىم, اياق كيىم جانە كەڭسە تاۋارلارى سالىنعان ريۋكزاكتاردى الماتى وبلىسى قاپشاعاي قالاسىنداعى «بالداۋرەن» رەسپۋبليكالىق وقۋ-ساۋىقتىرۋ ورتالىعىندا دەمالىپ جاتقان ماقتاارال اۋدانىنىڭ بالالارىنا تابىس ەتتى. بالالارعا قوناققا قايىرىمدىلىق قورىنىڭ باسشىلىعىمەن بىرگە قۋانىشتى كوڭىل-كۇي سىيلاۋ ءۇشىن ايگىلى «Jokeasses» كومانداسىنىڭ ۆاينەرلەرى دە كەلدى. ء«بىز كيىمدەرگە قوسىمشا مەكتەپتە وقۋعا قاجەتتىنىڭ بارلىعى سالىنعان جاقسى ريۋكزاكتار سىيلاۋدى شەشتىك. دەمالىستىڭ مۇنداي تاماشا اياقتالۋى ولارعا جاقسى كوڭىل-كۇي سىيلاپ, بۇكىل جازعا قۋات بەردى دەپ ۇمىتتەنەمىز», دەيدى «ايالا» قورىنىڭ پرەزيدەنتى ايدان سۇلەيمەنوۆا.
ەسكە سالا كەتەيىك, ماقتاارال اۋدانىڭ بالالارى «بالداۋرەن» رەسپۋبليكالىق وقۋ-ساۋىقتىرۋ ورتالىعىندا 2 اپتادان بەرى دەمالۋدا. ولار اشىق باسسەيندە شومىلىپ, ساۋىقتىرۋ, سپورت سەكتسيالارىندا تەننيسپەن, ساداق اتۋمەن, فيتنەسپەن اينالىسادى. بالالارمەن بىلىكتى پەداگوگ-پسيحولوگتار جۇمىس ىستەدى. تجب قاشىقتان تاپسىرىپ, وقۋ جىلىن ءساتتى اياقتادى.
تۇركىستان وبلىسى
