«كارانتين ۋاقىتى ەلوردانىڭ ازىق-ت ۇلىك قاۋىپسىزدىگى ءبىرىنشى ورىندا ەكەنىن كورسەتتى. بلوك-بەكەتتەردە العاشقى كۇننەن باستاپ ازىق-ت ۇلىك تاسىمالداۋ ءۇشىن «جاسىل ءدالىز» ۇيىمداستىرىلدى. الايدا قالاعا ءونىمدى تەك اكەلىپ عانا قويماي, ونى ءتيىستى دەڭگەيدە ساقتاۋ قاجەت. قالا اۋماعىندا 7 لوگيستيكالىق كەشەن جۇمىس ىستەيدى, قازىر ءتورت كوتەرمە-تاراتۋ ورتالىعىنىڭ قۇرىلىسىن جۇرگىزىپ جاتىرمىز (ۇشەۋى جەكە ينۆەستورلار ەسەبىنەن). بۇل ءونىم كولەمىن ارتتىرۋعا, الەۋمەتتىك ماڭىزى بار ازىق-ت ۇلىك باعاسىن ۇستاپ تۇرۋعا مۇمكىندىك بەرەدى.
سونىمەن قاتار, مەملەكەت باسشىلىعىنىڭ تاپسىرماسىنا سايكەس «قاراپايىم زاتتاردىڭ ەكونوميكاسىن» دامىتۋعا ەرەكشە كوڭىل بولەمىز. باعدارلاما ىسكە قوسىلعان ساتتەن باستاپ (2019 جىل) 16 جوبا قولداۋ تاپتى, تاعى 40-قا جۋىق كاسىپورىن جوباعا قاتىسۋعا نيەت ءبىلدىرىپ وتىر. ولار ونەركاسىپ, ساۋدا جانە لوگيستيكا, ءبىلىم بەرۋ, دەنساۋلىق ساقتاۋ سالالارىمەن تىعىز بايلانىستى كاسىپورىندار. ءار جوبا بويىنشا ناقتى جۇمىس جۇرگىزەمىز",- دەدى قالا اكىمى التاي كولگىنوۆ.
ينۆەستيتسيا ماسەلەلەرى بويىنشا كەڭەس ونلاين-رەجيمدە جۇرگىزىلىپ, ينۆەستورلارعا اكىمدىك تاراپىنان قاجەت كومەك كورسەتىلەدى. وڭىرلىك كەڭەستە جەكە ينۆەستيتسيانىڭ جالپى سوماسى 770 ملرد تەڭگەگە 60-تان استام جوبا قولداۋ تاپتى, سونىمەن قاتار 34 جوبا بويىنشا جۇمىستار اتقارىلىپ جاتىر.
جاڭا ەرەجەلەردى ەسكەرە وتىرىپ, اكىمدىك مىندەتتەردى ىسكە اسىرۋ ءتاسىلىن قايتا قارادى. جەرگىلىكتى بيۋدجەتتى وڭتايلاندىرۋ 35 ملرد تەڭگەنى قۇرادى. ۇنەمدەلگەن قاراجات الەۋمەتتىك سالانى قارجىلاندىرۋعا باعىتتالدى: اپاتتى تۇرعىن ۇيلەردى ءسۇرۋ, جولداردىڭ, اۋلالاردىڭ قۇرىلىسى, مەديتسينالىق جابدىقتار ساتىپ الۋ, الەۋمەتتىك كومەك كولەمىن ارتتىرۋ جانە ت. ب. قامتىلادى.
