ناۋقاستار بۇرىن جۇقتىرعاندارمەن جاقىن قارىم-قاتىناستا بولعان ادامداردى تەكسەرۋ كەزىندە جانە سكرينينگ بارىسىندا انىقتالدى. ولاردىڭ 15-ءى تەمىرتاۋ, 13-ءى قاراعاندىنىڭ تۇرعىندارى. سونداي-اق, اۋىرعاندار اراسىندا اباي اۋدانىنىڭ ءتورت تۇرعىنى جانە ساران قالاسى مەن بۇقار جىراۋ اۋدانىندا تۇراتىن ءبىر-ءبىر تۇرعىننان بار.
پاتسيەنتتەردىڭ بارلىعى ينفەكتسيالىق ستاتسيونارعا جاتقىزىلدى. دارىگەرلەر ولاردىڭ دەنساۋلىق جاعدايى قاناعاتتانارلىق ەكەنىن ايتادى. ىندەت شىققان وشاقتاردا دەزينفەكتسيالىق جۇمىستار جۇرگىزىلدى.
28 مامىرداعى جاعداي بويىنشا قاراعاندى وبلىسىندا كۆي جۇقتىرۋدىڭ 788 وقيعاسى تىركەلگەن. ونىڭ ىشىندە ءۇش ناۋقاس «جامان تۇماۋدان» كوز جۇمدى جانە 217 ادام جازىلىپ شىقتى.
قاراعاندى وبلىسى
