قوعامدىق قابىلداۋعا ەلىمىزدەگى بىرنەشە مەملەكەتتىك ەمەس باق جەتەكشىلەرى قاتىسىپ, وي-پىكىرلەرىن, ۇسىنىس-تىلەكتەرىن ورتاعا سالدى. ماسەلەن, «دومبىرا», «تۋريزم كز» ي Turkway, تەلەارنالارىنىڭ باسشىلارى تاقىرىپتىق, جەكەمەنشىك ارنالاردى دا دامىتۋ جانە ولارعا مەملەكەتتىك قولداۋ قاجەتتىلىگىن ءسوز ەتسە, جەكە مەنشىك باسىلىم جەتەكشىسى مەيرامكۇل راحىمباەۆا قازاق تىلىندەگى ءباسپاسوزدى دامىتۋ جانە تاراتۋ ماسەلەسى بويىنشا ءوز ويلارىن جەتكىزدى.
مينيستر, ءوز كەزەگىندە بۇل ماسەلەلەردى جاقسى بىلەتىندىگى جانە مينيسترلىك تاراپىنان جوسپارلى تۇردە ءىس-شارالار اتقارىلىپ جاتقاندىعىن تىلگە تيەك ەتتى.
«جەكە مەنشىك, شاعىن, بۇقارالىق اقپارات قۇرالدارىنىڭ دا قوعامداعى ءرولى ەرەكشە. سوندىقتان ءبىز بارىنشا قولداۋ كورسەتۋگە ءازىرمىز. مەملەكەتتىك تاپسىرىس بويىنشا تەلەونىمدەر جاساۋعا كەلەر جىلدىڭ جوسپارىنا ءوز ۇسىنىستارىن ولار دا بىلدىرۋگە بولادى»-دەدى مينيستر.
