ساتباەۆ ۋنيۆەرسيتەتى ەڭ ۇزدىك تەحنيكالىق جوو رەيتينگىندە كوش باستادى

ايماقتار • 29 مامىر، 2020

ساتباەۆ ۋنيۆەرسيتەتى ەڭ ۇزدىك تەحنيكالىق جوو رەيتينگىندە كوش باستادى

103 رەت كورسەتىلدى

قازاقستاننىڭ ۇزدىك تەحنيكالىق ۋنيۆەرسيتەتتەرىنىڭ ۇلتتىق رەيتينگىن تاعى دا ساتباەۆ ۋنيۆەرسيتەتى باستاپ تۇر. ءبىلىم بەرۋ ساپاسىن قامتاماسىز ەتۋدە تاۋەلسىز قازاقستاندىق IQAA-Ranking اگەنتتىگىنىڭ باعامى بويىنشا Satbayev University ۋنيۆەرسيتەتى 99،35 بالل جيناعان. بۇل وتكەن جىلمەن سالىستىرعاندا جوعارى كورسەتكىش.

ەلۆيرا سەرىكقىزى

IQAA رەيتينگى جان-جاقتى ءارى اكادەميالىق بەلسەندىلىكتى، ستۋدەنتتەردىڭ ۇلگەرىم كورسەتكىشتەرىن، پروفەسسورلىق-وقىتۋشىلىق قۇرامنىڭ جۇمىسىن، سونىمەن قاتار جۇمىس بەرۋشىلەردىڭ بەدەلى مەن تاۋەلسىز ساراپشىلاردىڭ پىكىرلەرىن قامتيدى. IQAA-Ranking ءۇشىن باستاپقى دەرەكتەردى ۋنيۆەرسيتەتتەن الىپ، ولار ءار ءتۇرلى ادىستەر ارقىلى تالدانادى. IQAA اقپاراتتىڭ ءبىر بولىگىن ۋنيۆەرسيتەتتەن تىس كوزدەردەن سۇرايدى.

ينستيتۋتسيونالدى رەيتينگتى ەسەپتەۋ ادىستەمەسى بەس كومپونەنتكە نەگىزدەلگەن، ولاردىڭ ۇشەۋىندە ساتباەۆ ۋنيۆەرسيتەتى ەڭ كوپ بالل جينادى. ءبىرىنشى كومپونەنت ۋنيۆەرسيتەتتىڭ اكادەميالىق رەسۋرستارىنىڭ ساپاسىن باعالاۋ بولىپ تابىلادى. ول باللدىڭ جالپى سانىنىڭ 80 پايىزىن قۇرايدى. ەكىنشى كومپونەنت - جۇمىس بەرۋشىلەر مەن مەملەكەتتىك ورگانداردىڭ الەۋمەتتىك ساۋالناماسى نەگىزىندە ۋنيۆەرسيتەت قىزمەتىن باعالايدى.

وسى جىلعى زەرتتەۋگە ۋنيۆەرسيتەتتە قازىرگى ۋاقىتتا وقيتىن ستۋدەنتتەردى، تۇلەكتەردى باعالاۋ جانە ولاردىڭ جۇمىسقا ورنالاسۋ ناتيجەلەرى سياقتى قوسىمشا كورسەتكىشتەر كىرەدى.

ەلەكتروندىق پوشتا ارقىلى جۇرگىزىلگەن ساۋالناماعا 500-دەن استام جۇمىس بەرۋشى، 3000 ستۋدەنت پەن 2000 تۇلەك قاتىسىپ، بۇل رەيتينگتە ساتباەۆ ۋنيۆەرسيتەتى ەڭ كوپ ۇپاي جينادى. ادىستەمەمەن سىلتەمەدە تولىعىراق تانىسۋعا بولادى.

رەيتينگ قورىتىندىسىمەن IQAA-Ranking اگەنتستتىگىنىڭ سايتىنان تانىسۋعا بولادى جانە www.egov.kz پورتالىندا جاريالاناتىن بولادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز