ايماقتار • 29 مامىر، 2020

اسكەريلەر زالالسىزداندىرۋ جۇمىستارىن قايتا باستادى

30 رەت كورسەتىلدى

قازاقستاندا قارۋلى كۇشتەردىڭ اسكەري قىزمەتشىلەرى زالالسىزداندىرۋ جۇمىستارىن قايتا باستادى. ەلىمىزدىڭ 5 قالاسى - الماتى، تالدىقورعان، سەمەي، اتىراۋ جانە اقتاۋ قالالارى ءبىرىنشى بولىپ كوشەلەر مەن قوعامدىق ورىنداردى زالالسىزداندىرۋ جۇمىستارىن قولعا الدى. 

الماتىدا راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ اسكەري قىزمەتشىلەرىنەن قۇرالعان ارنايى بولىمشەلەر كوروناۆيرۋس ينفەكتسياسىنىڭ الدىن الۋ ءۇشىن قالا كوشەلەرى مەن قوعامدىق ورىنداردى زالالسىزداندىرۋ بويىنشا جۇمىستارىن قايتا جانداندىردى.

راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ءباسپاسوز قىزمەتىنىڭ مالىمەتىنشە، «كەلىسىلگەن جوسپارعا سايكەس بۇگىن №1 قالالىق ەمحانا مەن بىرنەشە شيپاجايلار زالالسىزداندىرىلدى. وعان 60-تان استام اسكەري قىزمەتشىلەر مەن 10 اسكەري تەحنيكاسى تارتىلعان. كارانتين شارالارىنىڭ بوساڭسۋىنا بايلانىستى ادام قاراسى وتە كوپ، سوندىقتان زالالسىزداندىرۋ جۇمىستارى وتە تياناقتى جۇرگىزىلۋدە»، - دەپ اتاپ ءوتتى رەجباي شتابىنىڭ رادياتسيالىق، حيميالىق، بيولوگيالىق قورعاۋ، ەكولوگيالىق قاۋىپسىزدىك جانە اينالاداعى كەڭىستىك كۇزەت قىزمەتىنىڭ باستىعى پودپولكوۆنيك باقىتجان تەمىرباەۆ.


زالالسىزداندىرۋ ءۇشىن ناتري گيپوحلوريتى قولدانىلۋدا، ونىڭ حلورعا ءتان ءيىسى بار. گيپوحلوريت زالالسىزداندىرۋدا قولدانۋ كونتسەنتراتىنا وراي ادامدار مەن جانۋارلارعا ۋلى جانە قاۋىپتى ەمەس.


قالاداعى زالالسىزداندىرۋ جۇمىستارىنا الماتى گارنيزونى بويىنشا بارلىعى 150-گە جۋىق اسكەري قىزمەتشىلەر تارتىلعان. بۇگىنگى كۇنى ارنايى بولىمشەلەر الماتى قالاسىنىڭ 20 نىسانىندا زالالسىزداندىرۋ جۇمىستارىن جۇرگىزدى.


جالپى توتەنشە جاعداي رەجيمى كەزىندە قارۋلى كۇشتەردىڭ اسكەري قىزمەتشىلەرى قازاقستاننىڭ 29 قالاسىندا جالپى اۋدانى 50 ميلليون شارشى مەتردەن اساتىن 10،5 مىڭنان استام الەۋمەتتىك ماڭىزى بار نىساندارعا جانە ۇزىندىعى 4000 شاقىرىمعا جۋىق جول ۋچاسكەلەرىنە دەزينفەكتسيا جۇرگىزدى.بۇل قازاقستان ارمياسىنىڭ مۇمكىندىكتەرىنىڭ شەگى ەمەس.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ۇقساس جاڭالىقتار