مەكتەپتىڭ 12L سىنىپ وقۋشىسى نۇرجان يساباەۆ امەريكانىڭ Fordham University-ءنىڭ گرانتىنا يە بولىپ, پەنسيلۆانياداعى Drexel University-نەن دە شاقىرتۋ الدى. نيۋ-يوركتاعى بوستاندىق مۇناراسى عيماراتىندا تاعىلىمدامادان وتكەن نۇرجان ۋاقىت پەن قارجى ۇنەمدەۋگە باعىتتالعان ۇيالى قوسىمشاسىن ازىرلەۋمەن اينالىسۋدا.
«Biomedical engineering» ماماندىعى بويىنشا Norwich University-ءنىڭ (اقش) ءبىلىم گرانتىنا يە بولعان 12-سىنىپ وقۋشىسى اينۇر الكەەۆا «Honors Program» بەدەلدى ۋنيۆەرسيتەتتىك باعدارلاماسىنا تاپسىرىپ, الەمنىڭ 25 ۇزدىك تالاپكەرىنىڭ قاتارىنا ەنىپ وتىر. اينۇر سونداي-اق, Purdue University, The University of Arizona, University of Houston, Fisher College جانە Whitworth University سياقتى امەريكانىڭ 5 جوعارى وقۋ ورنىنان شاقىرتۋ الدى. اينۇر الكەەۆا قازاقستاندىق ستۋدەنتتەر اراسىنداعى پىكىر-سايىس تۋرنيرلەرىنىڭ بىرنەشە دۇركىن ءفيناليسى, «Technovation» بايقاۋىنىڭ رەسپۋبليكالىق كەزەڭىنىڭ جەڭىمپازى, سونداي-اق «Hackathon» بايقاۋى مەن يۋنەسكو كلۋبى كونفەرەنتسيالارىنىڭ قاتىسۋشىسى. بۇۇ-نىڭ قازاقستانداعى وكىلدىگىندە ەرىكتىلەر توبىندا جۇرگەن اينۇر مەكتەپتە ءوزىن ءوزى باسقارۋ جۇيەسىنىڭ مۇشەسى, «NIS Paper» مەكتەپ گازەتىنىڭ اۆتورى جانە «Exponenta Magazine» جۋرنالىنىڭ نەگىزىن قالاۋشىلاردىڭ ءبىرى.
ال 12-سىنىپ وقۋشىسى اياجان ءاليحان الەمدىك 8 ۋنيۆەرسيتەتتەن شاقىرتۋ الدى. قازاقستاننىڭ ۇزدىك وقۋشىسىنا بىردەن ۇسىنىس جولداعان الەمنىڭ 100 ۇزدىك ۋنيۆەرسيتەتتەرىنىڭ قاتارىندا Northwestern University (Doha, Qatar), Yonsei University (Seoul, SK), Yale-NUS College (Singapore), Koc University (Istanbul, TR), Fordham University (NY), Pace University (NY), Northwestern University (Chicago, IL), University of Miami (Miami, FL) بار. تىزىمدەگى جوعارى وقۋ ورىندارىنىڭ تورتەۋى تولىق گرانت, قالعانى جارتىلاي گرانت ۇسىنىپ وتىر.
مەكتەپتە جوبالىق جۇمىسپەن اينالىساتىن اياجان ءاليحان مەديتسينا مەن ەكولوگيادان وتكەن رەسپۋبليكالىق كونكۋرستاردىڭ, سانكت-پەتەربور پەن پاريجدە وتكەن حالىقارالىق كونفەرەنتسيالاردىڭ جۇلدەگەرى. «Youth for Understanding» امەريكالىق كوممەرتسيالىق ەمەس ۇيىمىندا تاعىلىمدامادان وتكەن. «ەnvision Scholars» تانىمال جازعى الماسۋ باعدارلاماسىنىڭ قاتىسۋشىسى. اكادەميالىق جەتىستىكتەرى ءۇشىن 2018 جىلى كولۋمبيا ۋنيۆەرسيتەتىنىڭ جازعى باعدارلاماسىنا دا ۇسىنىلعان. اياجان ءاليحان مەكتەپتىڭ جانە الماتى قالاسىنىڭ قوعامدىق ومىرىنە دە بەلسەنە ارالاسادى. بۇۇ مودەلى كلۋبىنىڭ (MUN club) نەگىزىن قالاۋشىلاردىڭ ءبىرى. «ەرىكتىلەر ليگاسى» مەن «Recycle Birge» الەۋمەتتىك قوعامدىق قوزعالىسىندا ۆولونتەرلىك تاجىريبەسى بار. سونداي-اق «International Global Network» جاستاردى دامىتۋ ۇيىمىنىڭ بەلسەندى مۇشەسى رەتىندە مالايزيانىڭ استاناسى كۋالا-لۋمپۋر مەن گەرمانيانىڭ نيۋرنبەرگ قالاسىندا وتكەن حالىقارالىق كونفەرەنتسيالارعا قاتىسۋعا مۇمكىندىك العان وقۋشى.
زياتكەرلىك مەكتەبىنىڭ 12-سىنىپ وقۋشىسى نۇرجان مۇسابەكوۆ University of Toronto (كانادا) ۋنيۆەرسيتەتىنىڭ Lester B.Pearson Schoolarship ستيپەندياسى يەگەرى اتاندى. اتالعان شاكىرتاقى باعدارلاماسى اكادەميالىق جەتىستىكتەرىمەن, دارىنىمەن ەرەكشەلەنەتىن جانە ءوز مەكتەپتەرىندە كوشباسشى بولىپ تابىلاتىن ستۋدەنتتەرگە بەرىلەدى. وسى ورايدا بۇل شاكىرتاقىنىڭ ءۇشىنشى جىل قاتارىنان نازارباەۆ زياتكەرلىك مەكتەپتەر جەلىسىنىڭ وقۋشىلارىنا تاعايىندالىپ وتىرعانىن ايتا كەتۋ كەرەك. Bentley University پرەزيدەنتتىك گرانتىن, ال Carnegie Mellon University شىعىندارىن تولىق قارجىلاندىرۋدى ۇسىنىپ وتىر. نۇرجان 9-سىنىپتان باستاپ مەكتەپتەگى ءوزىن-ءوزى باسقارۋ جۇيەسىنىڭ مۇشەسى. 11-سىنىپتا مەكتەپ پرەزيدەنتى جانە UNESCO مەكتەپ كلۋبىنىڭ توراعاسى بولعان. 10-سىنىپتا دوستارىمەن «Nautica School» ءبىلىم بەرۋ جوباسىنىڭ نەگىزىن قالاعان.
نۇرجان سونىمەن قاتار TEDxAbaySt ۇيىمىنىڭ مۇشەسى رەتىندە TEDxAbayStWomen جانە TEDdxYouthAbaySt كونفەرەنتسيالارىن ۇيىمداستىرۋعا قاتىسقان. Stanford Honors Academies باعدارلاماسى بويىنشا وقىپ, وندا بيزنەس پەن كوشباسشىلىق سالالارىن زەرتتەپ, ستەنفورد كۋرستارى اياسىندا mvp (minimum viable product) – قازاقستان حالقىنىڭ الەۋمەتتىك وسال توپتارى اراسىندا قارجىلىق ساۋاتتىلىقتى جاقسارتۋ جوباسى بويىنشا جۇمىس ىستەي باستادى. سوڭعى وقۋ جىلى باستالار الدىندا نۇرجان KPMG حالىقارالىق كومپانياسىندا جازعى تاعىلىمدامادان ءوتىپ, بيزنەس ماماندىعى بويىنشا وقىعىسى كەلەتىنىنە كوز جەتكىزدى. قازىرگى كەزدە «360mentors» مانساپتىق ورتالىعىندا نۇرجان مەنتورلىق قىزمەت اتقارادى. «7-سىنىپتا قيىن ىرىكتەۋدەن قالاي وتكەنىنە تاڭعالعان سەنىمسىز بالا بولسام, بۇگىندە مىقتى اكادەميالىق بازاسى بار كوشباسشى بولىپ قالىپتاسىپ كەلەمىن. مەكتەپتە العان ءبىلىمىم مەن تاربيەم مەنى شىڭدادى», دەگەن نۇرجاننىڭ ءوزى ءبىلىم العان نازارباەۆ زياتكەرلىك مەكتەبى مەن ارىپتەستەرىنە العىسى شەكسىز.
