ايماقتار • 28 مامىر، 2020

ماڭعىستاۋدا مۇعالىمدەر كارانتين كەزىندە مەكتەپكە شاقىرىلعان

1729 رەت كورسەتىلدى

ءار دالەلدەنگەن جاعداي بويىنشا ءتيىستى تارتىپتىك شارالار قابىلداندى. كەلەشەكتە ولاردىڭ الدىن الۋ شارالارى جۇرگىزىلدى. الايدا لاۋازىمدى تۇلعالار جاۋاپكەرشىلىككە تارتىلعان جوق. بۇل تۋرالى وڭىرلىك قوعامدىق كوممۋنيكاتسيا ورتالىعىندا وتكەن جيىندا ماڭعىستاۋ وبلىسى بويىنشا ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى ەسبولات ومىرزاق مالىمدەدى.

اتالعان دەپارتامەنتكە سەنىم تەلەفونى ارقىلى جاڭاوزەن قالاسىنىڭ مەكتەپكە دەيىنگى ءبىلىم بەرۋ ۇيىمىنىڭ قىزمەتكەرى حابارلاسىپ، باسشىسى ءوزىن فۋنكتسيونالدىق مىندەتىنەن تىس جۇمىستارعا جۇمسايتىندىعى جونىندە شاعىمدانعان. بۇل ماسەلەگە قۇزىرلى مەكەمە وكىلدەرىنىڭ ارالاسۋىمەن شاعىم قاناعاتتاندىرىلدى.

- قازىرگى ۋاقىتتا كوپشىلىك جاڭالىقتاردى الەۋمەتتىك جەلىلەردەن الاتىندىقتان دەپارتامەنت ءوز پاراقشالارىن Facebook، Telegram، ال جاستار ءۇشىن Instagramالەۋمەتتىك جەلىلەرىنەن اشىپ قويدى. Facebook الەۋمەتتىك پاراقشاسىنا پاندەميا كەزىندە 8 ساۋال كەلىپ ءتۇستى، ونىڭ 6-ۋى اتا-انالاردان، 2-ءۋى پەداگوگتەردەن. وندا جۇمىسقا ورنالاسۋ، جالاقى، ۇلتتىق بىرىڭعاي تەستىلەۋدىڭ فورماتى، مەكتەپكە دەيىنگى ۇيىمداردىڭ جۇمىسىن قايتا باستاۋى تۋرالى ماسەلەلەرى قوزعالدى. سونداي-اق Telegram الەۋمەتتىك پاراقشاسىنا بىرنەشە پەداگوگتەن ءبىلىم بەرۋ ۇيىمى ەسەپتىلىك تالاپ ەتەتىندىگى، كانيكۋل، توتەنشە جاعداي كەزىندەگى ەڭبەك اقى جانە ساۋىقتىرۋ جاردەماقىسىن تولەۋ ماسەلەلەرى جونىندە ساۋالدار ءتۇستى. الەۋمەتتىك جەلى ارقىلى تۇسكەن وتىنىشتەر مەن ساۋالدارعا تولىق جاۋاپ مەرزىمىندە بەرىلىپ، قاناعاتتاندىرىلدى. بارلىق پوستقا جازىلعان پىكىرلەرگە، جولدانعان ساۋالدارعا دەپارتامەنت تاراپىنان مونيتورينگ جۇرگىزىلىپ وتىر، - دەيدى ەسبولات كەڭعان ۇلى.

ونىڭ ايتۋىنشا، پەداگوگكە تاۋارلار مەن كورسەتىلەتىن قىزمەتتەردى ساتىپ الۋ بويىنشا مىندەتتى جۇكتەۋ، مەملەكەتتىك ورتا ءبىلىم بەرۋ ۇيىمىنىڭ پەداگوگىن ءوز كاسىپتىك قىزمەتىن جۇزەگە اسىرۋ كەزىندە مەملەكەتتىك ەمەس ۇيىمداردىڭ ءىس-شارالارىن وتكىزۋگە تارتۋ تۇرىندە جاسالعان بۇزۋشىلىقتار دا تەكسەرىسكە نەگىز بولادى. اتالعان نورمالاردى بۇزعانى ءۇشىن «اكىمشىلىك قۇقىق بۇزۋشىلىق تۋرالى» كودەكسىنىڭ 409-شى بابىنا سايكەس ءبىرىنشى كەزەكتە ەسكەرتۋ جاسالادى، ءبىر جىل ىشىندە قايتالاپ جاسالىنسا 20-دان 120-عا دەيىنگى اەك مولشەرىندە ايىپپۇل سالىنادى. وسىعان قاراماستان كەيبىر وبلىستاردا ءالى دە پەداگوگتەردى مەكتەپتىڭ اعىمداعى جوندەۋ جۇمىستارىنا، مەرزىمدى باسپا باسىلىمدارىنا جازىلۋعا تارتۋ تاجىريبەسى جانە وزگە زاڭعا قايشى تاجىريبەلەر كەزدەسىپ وتىر. 

- مىسالى، ينفەكتسيامەن كۇرەس ناۋقانى كەزىندە تۇركىستان وبلىسىنىڭ تۇلكىباس اۋدانى جاباعالى اۋىلىنىڭ اكىمشىلىگى مەكتەپ مۇعالىمدەرىن سانيتارلىق پوستقا تۇرعىزىپ قويعان. بىزگە جەتكەن اقپاراتقا سايكەس ءار مۇعالىم ءۇش كۇن سايىن 12 ساعاتتان پوستتا تۇرۋعا مىندەتتى بولعان. مۇعالىمدەرگە ەشقانداي سانيتارلىق قۇرالدار دا ۇسىنىلماپتى. وسىعان ۇقساس فاكت شىعىس قازاقستاندا دا بولدى. ءار جاعداي بويىنشا ءتيىستى تارتىپتىك شارالار قابىلداندى. ءبىزدىڭ وبلىستا دا جوعارىداعىلارعا ۇقساس دەرەكتەر تىركەلدى. بىراق ءبىزدىڭ ارالاسۋىمىزمەن الدىن الۋ شارالارى جۇرگىزىلىپ، لاۋازىمدى تۇلعالاردى جاۋاپكەرشىلىككە تارتۋ فاكتىسى بولعان جوق، - دەپ مالىمدەدى بريفينگ سپيكەرى.

ماڭعىستاۋ وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتى 2020 جىلى ءى جارتىجىلدىقتا جوعارى تاۋەكەل دارەجەسىنە جاتقىزىلعان 20 ءبىلىم بەرۋ ۇيىمىندا بارۋ ارقىلى پروفيلاكتيكالىق باقىلاۋ وتكىزۋدى جوسپارلادى. اعىمداعى جىلدىڭ اقپان-ناۋرىز ايىندا 9 ءبىلىم بەرۋ ۇيىمىندا پروفيلاكتيكالىق باقىلاۋ جانە 12 ءبىلىم بەرۋ ۇيىمىندا (10-ى پروفيلاكتيكالىق باقىلاۋ ناتيجەسىمەن بەرىلگەن نۇسقامانىڭ ورىندالىسى، 2-ءۋى جەكە تۇلعا ارىزى بويىنشا ) جوسپاردان تىس تەكسەرۋ جۇرگىزىلدى. رەسپۋبليكا اۋماعىندا توتەنشە جاعداي ەنگىزىلۋىنە بايلانىستى 2020 جىلدىڭ 16 ناۋرىزىنان باستاپ بارۋ ارقىلى پروفيلاكتيكالىق باقىلاۋ جانە جوسپاردان تىس تەكسەرۋ جۇرگىزۋ ۋاقىتشا توقتاتىلعان.

دۇنيەجۇزىنىڭ كوپتەگەن ەلدەرىن الاڭداتقان كورونوۆيرۋس ينفەكتسياسىنىڭ قازاقستانعا دا تارالۋىنا بايلانىستى پرەزيدەنت جارلىعىمەن ەل اۋماعىندا توتەنشە جاعداي ەنگىزىلۋىنە وراي ءبىلىم بەرۋ سالاسىندا بيىل ۇلكەن وزگەرىستەر بولدى. 2020 جىلدىڭ 16 ناۋرىزىنان باستاپ مەكتەپ وقۋشىلارى 1 اپتا بۇرىن كوكتەمگى كانيكۋلعا جىبەرىلدى. كانيكۋل كەزىندە 4 وقۋ توقسانىنان باستاپ قاشىقتىقتان وقۋعا كوشۋگە دايىندىق جۇمىستارى جۇرگىزىلدى.      ءبىلىم بەرۋ ۇيىمدارىندا جۇرگىزىلىپ جاتىرعان قاشىقتىقتان وقىتۋدىڭ بارىسىن ماڭعىستاۋ وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتى قاداعالاپ وتىر. رەسمي سايتى جۇمىس جاساپ تۇر، سىلتەمەسى dkcomo.edus.kz.

دەپارتامەنت سايتىنا وقىرماندارعا قاجەتتى مالىمەتتەر مەن جاڭالىقتار مەرزىمىندە جاريالانىپ وتىر. سونىمەن قاتار سايتتا پەداگوگتەر مەن اتا-انالار تۋىنداعان ماسەلەلەرى بويىنشا حابارلاسۋ ءۇشىن سەنىم تەلەفوندارى مەن Call-ورتالىق جۇمىس ىستەيدى.

 

 

ماڭعىستاۋ وبلىسى

سوڭعى جاڭالىقتار

ۇزدىك اتاندى

وقيعا • بۇگىن، 07:08

سىر قامىسىنا سىرتتان سۇرانىس بار

ەكونوميكا • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

الاش ازا تۇتقان كۇن

ساياسات • بۇگىن، 06:35

NASA مارسكا قامداندى

تەحنولوگيا • كەشە

ۇقساس جاڭالىقتار