وسى ورايدا وبلىستىق ادامي الەۋەتتى دامىتۋ باسقارماسىنىڭ باسشىسى راحىمبەك جولاەۆ وزدەرىنىڭ ۇزدىك ءىس-تاجىريبەلەرى مەن بىلىكتىلىكتەرىن ۇشتاستىرا توتەنشە جاعدايعا بايلانىستى قابىلدانعان ءبىلىم بەرۋ ءادىسىن مەڭگەرىپ, ءتيىستى دەڭگەيدە اتقارعان مەكتەپ مۇعالىمدەرىنە شىنايى ءبىلدىردى. ماراپاتقا يە بولعان وقىتۋشىلاردىڭ اراسىندا ن.وڭداسىنوۆ اتىنداعى مامانداندىرىلعان مەكتەپ-ينتەرناتى ماتەماتيكا ءپانىنىڭ مۇعالىمى سامات مامبەتوۆ, س.سەيفۋللين اتىنداعى №4 مەكتەپ-ليتسەيى ماتەماتيكا ءپانىنىڭ مۇعالىمى نۇربول نۇرلىباەۆ, №19 جالپى ورتا مەكتەبىنىڭ بيولوگيا ءپانى مۇعالىمى عاليا وماروۆا, №9 مەكتەپ-گيمنازياسىنىڭ ورىس ءتىلى مەن ادەبيەتى ءپانىنىڭ مۇعالىمى ولگا اللاشوۆا سىندى بىرقاتار مۇعالىم بار.
سونىمەن قاتار باسقارما باسشىسى وڭىردەگى مەكتەپ وقۋشىلارىنىڭ قاشىقتان ءبىلىم الۋىنا اقپاراتتىق قولداۋ كورسەتكەن «وڭتۇستىك» تەلەراناسىنىڭ جۇيەلىك ادمينيستراتورى ديدار اۋباكىر ۇلىنا, كومپيۋتەر گرافيكاسىنىڭ ديزاينەرى مۇقان مولدادوسوۆقا, ەفير-وپەراتورى باتىرحان ەرسۇلتان ۇلىنا العىس ءبىلدىردى.
