سەنات توراعاسى ماۋلەن اشىمباەۆ پرەزيدەنت قاسىم-جومارت توقاەۆتىڭ ۇلتتىق قوعامدىق سەنىم كەڭەسىنىڭ ەكىنشى وتىرىسىندا ۇسىنعان ساياسي رەفورمالارى اياسىندا بۇگىن ەكى زاڭ قابىلدانعانىن اتاپ ءوتتى.
– ەلىمىزدە دەموكراتيالىق ۇردىستەردى ءارى قاراي دامىتۋ ماقساتىندا قولدانىستاعى زاڭناماعا پارلامەنتتىك كوپشىلىك جانە پارلامەنتتىك وپپوزيتسيا ۇعىمدارى ەنىپ وتىر. زاڭمەن ماجىلىسكە سايلاناتىن پارلامەنتتىك وپپوزيتسيانىڭ وكىلەتتىكتەرى جانە ولاردىڭ جۇمىسىن قامتاماسىز ەتۋ تەتىكتەرى ناقتى ايقىندالدى. مەملەكەت باسشىسىنىڭ ۇسىنىسىمەن قابىلدانعان جاڭا زاڭنامالىق نورمالار ەلىمىزدە پارلامەنتتىك وپپوزيتسياعا كەپىلدىك بەرەدى جانە قازاقستانداعى كاسىبي پارلامەنتاريزمنىڭ جاڭا كەزەڭىنە جول اشادى دەپ سەنەمىز, – دەدى ماۋلەن اشىمباەۆ.
