ايماقتار • 27 مامىر، 2020

الماتىدا تەكسەرۋدەن مۇدىرمەي وتكەن دۇكەندەر عانا اشىلادى

101 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ باق وكىلدەرى ءۇشىن وتكىزگەن بريفينگ بارىسىندا قالانىڭ سانيتارلىق-ەپيدەميولوگيالىق جاعدايىن تۇراقتاندىرۋ شارالارى جانە سانيتارلىق قاۋىپسىزدىك ەرەجەلەرىن ساقتاۋ تۋرالى ايتىپ ءوتتى.

اكىمنىڭ سوزىنشە، توتەنشە جاعداي كەزىندە ءوزىن-ءوزى وقشاۋلاۋ مەن كارانتيندىك شارالاردى ىسكە اسىرۋ جۇرتشىلىقتىڭ ىندەتتى جاپپاي جۇقتىرۋىنا توسقاۋىل بولدى. سونىڭ ارقاسىندا قالالىقتار اراسىندا اۋىر زارداپتار ورىن العان جوق.

ىندەتتەن ساقتانۋعا ىقپال ەتەتىن ماسكالاردى كوشەدە كيۋ جۇقتىرۋ تاۋەكەلىن ازايتادى. سونىمەن قاتار، ددۇ مالىمەتى بويىنشا ادامدار مينۋتىنا ورتا ەسەپپەن 3-5 رەت بەتىن بايقاۋسىزدا تازا ەمەس قولىمەن ۇستايدى ەكەن. ال ونىڭ قولىندا ۆيرۋستىڭ بولۋى ابدەن مۇمكىن.

«جابىق نىسانداردا بولعانداردىڭ بارلىعى مىندەتتى تۇردە ماسكا كيۋلەرى ءتيىس. ولار – ءدارىحانالار، دۇكەندەر، وفيستەر، مەدۇيىمدار، حقكو، قوعامدىق كولىك، COVID-19 قاۋپى بار جانعا كومەك كورسەتكەن كەزدە مىندەتتى تۇردە ماسكا كيگەن ءجون.

قۇرامىنا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلايتىن دەپارتامەنتتىڭ اۋداندىق باسقارمالارىنىڭ ماماندارى ەنگەن ءموبيلدى توپتار كارانتين رەجىمىن بۇزعان نىسانداردى انىقتاۋ ءۇشىن سول جەرلەرگە بارىپ، مونيتورينگ جۇرگىزەدى. بۇگىنگى كۇنگە دەيىن ءبىزدىڭ ماماندارىمىز ۋاقىتشا كارانتين تالاپتارىن ساقتاماعان ازىق-ت ۇلىك نىساندارىنا 69 اكىمشىلىك ايىپپۇل سالدى جانە قوعامدىق تاماقتانۋ ورىندارىنا 2 اكىمشىلىك حاتتاما تولتىردى. ازىق-ت ۇلىكتىك ەمەس دۇكەندەر، قۇرامىنا اكىمدىكتىڭ، سەق-ءتىڭ، «اتامەكەن» ركپ قىزمەتكەرلەرى ەنگەن جۇمىس جۇرگىششزەتىن تەكسەرۋدەن مۇدىرمەي وتكەن سوڭ عانا اشىلادى.  بۇل نۇسقاۋلىقتىڭ ورىندالۋىن جوعارىدا اتالعان جۇمىس توبى باقىلايدى. بۇلاردان وزگە، سانيتارلىق-ەپيدەميولوگيالىق ەرەجەلەر ساقتالماسا ساۋدا ورتالىعىنىڭ اكىمشىلىگى جاۋاپقا تارتىلادى» دەپ اتاپ ءوتتى باقىتجان ساعىنتاەۆ.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار