جاڭا قوسىلعان كاسىپورىندا بۇگىندە 50 ادام جۇمىسپەن قامتىلعان. بۇرىنعى «بەتونزاۆود» عيماراتىن ساتىپ الىپ, قۇرال-جابدىقتار ورناتا تسەحتى ىسكە قوسقان سەرىكتەستىك الداعى ۋاقىتتا تاعى ءبىر جوبانى جۇزەگە اسىرماق. ناقتىراق ايتساق, اتالعان عيماراتتىڭ ىشىندە رادياتور شىعارۋ تسەحىن ىسكە قوسۋ جوسپارلانۋدا. جوبانىڭ قۇنى - 1 ملرد 200 ملن تەڭگە. جوبا تولىق ىسكە اسسا, جىلىنا 600 مىڭ دانا رادياتور شىعارىلادى دەپ كۇتىلۋدە. مۇندا دا 50 ادام جۇمىسپەن قامتىلادى.
بۇدان بولەك, تەمىربەتون شىعارۋ تسەحىن اشۋ دا الداعى كۇننىڭ ەنشىسىندەگى شارۋا. جوبانىڭ قۇنى 200 ملن تەڭگە. كاسىپورىندا جىلىنا 13 500 مىڭ دانا تەمىربەتون شىعارىلماق.
تۇركىستان وبلىسى
