ونىڭ جۇمىسىنا قر-داعى ادام قۇقىقتارى جونىندەگى ۋاكىل ەلۆيرا ءازىموۆا, بۇۇ باس حاتشىسىنىڭ كومەكشىسى جانە «بۇۇ-ايەلدەر» قۇرىلىمىنىڭ ورىنداۋشى ديرەكتورىنىڭ ورىنباسارى وسا رەگنەر, ەۋروپا جانە ورتالىق ازيا ەلدەرىندەگى «بۇۇ-ايەلدەر» قۇرىلىمىنىڭ وڭىرلىك ديرەكتورى اليا ەل-ياسير, ارمەنيا, ءازىربايجان, ۋكراينا, بەلورۋسسيا, قىرعىزستان, وزبەكستان جانە ت.ب. ەلدەردىڭ ايەلدەر ماسەلەلەرى جانە گەندەرلىك تەڭدىك ماسەلەلەرى جونىندەگى ۇلتتىق قۇرىلىمداردىڭ باسشىلارى قاتىستى.
ۆيرتۋالدى ديالوگتىڭ ماقساتى – COVID-19-عا قارسى قىسقا مەرزىمدى جانە ۇزاق مەرزىمدى دەن قويۋدىڭ گەندەرلىك-بايلانىستى شارالارى ءۇشىن قيىندىقتار مەن باسىمدىقتاردى تالقىلاۋ.
ءوز سوزىندە لاززات رامازانوۆا پرەزيدەنتتىڭ «مەملەكەت بۇل قيىن ۋاقىتتا ەشكىمدى قالدىرمايدى» اتتى باس مەسسەدجىنە نازار اۋداردى. مەملەكەت باسشىسىنىڭ تاپسىرماسى بويىنشا مەملەكەتتىك كوميسسيا قۇرىلىپ, كوروناۆيرۋستىق ينفەكتسيانىڭ تارالۋىنىڭ الدىن الۋ بويىنشا ءىس-شارالار جوسپارى بەكىتىلدى. قازاقستان بارلىق قاجەتتى قولداۋ شارالارىن قابىلداۋدا. كوروناۆيرۋسقا قارسى كۇرەسكە جانە داعدارىسقا قارسى شارالاردى ىسكە اسىرۋعا 6 تريلليون تەڭگە نەمەسە 13 ملرد دوللار ءبولىندى. 5 ملن قازاقستاندىقتار, ونىڭ ىشىندە ەپيدەمياعا قارسى ءىس-شارالارعا جۇمىلدىرىلعان دارىگەرلەر مەن تابىسىنان ايىرىلعان ازاماتتار مەملەكەتتەن قارجىلاي جانە ازىق-ت ۇلىكتىك كومەك الدى.
لاززات رامازانوۆا ايەلدەر پاندەميامەن كۇرەستە الدىڭعى قاتاردا ەكەنىن اتاپ ءوتتى. بۇل, ەڭ الدىمەن, قيىن جاعدايدا قاجىرلى ەڭبەك ەتىپ جاتقان مەديتسينا جانە الەۋمەتتىك قىزمەتكەرلەر مەن مۇعالىمدەر. قازاقستاندا دەنساۋلىق ساقتاۋ, ءبىلىم بەرۋ جانە حالىقتى الەۋمەتتىك قورعاۋ سالاسىنداعى ايەلدەردىڭ ۇلەسى 73% - دان اسادى.
«قازاقستان COVID-19 پاندەمياسى سەبەبىنەن تۋىنداعان جاعدايدى جاقسارتۋعا ارنالعان گەندەرلىك تەڭدىكتى قامتاماسىز ەتۋ جونىندەگى جول كارتاسىن ازىرلەۋ قاجەتتىلىگى تۋرالى بۇۇ-ايەلدەر باستاماسىن قولدايدى», – دەدى قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمى لاززات رامازانوۆا.
ۆيرتۋالدى ديالوگ قورىتىندىسى بويىنشا قاتىسۋشىلار اراسىندا پاندەميانى تاراتۋعا قارسى شارالار شەڭبەرىندە ايەلدەردىڭ قۇقىقتارى مەن مۇمكىندىكتەرىن كەڭەيتۋ ءۇشىن مىندەتتەمەلەردى ودان ءارى ىلگەرىلەتۋ مەن ورىنداۋ ءۇشىن قاجەتتى ءىس-ارەكەتتەرگە قاتىستى جالپى تۇسىنىككە قول جەتكىزىلدى.
