«پاندەميا كەزىندە وڭىرلەردىڭ جىلدام ارەكەت ەتىپ, جەدەل شەشىم قابىلداي المايتىنى بايقالدى. دەنساۋلىق ساقتاۋ سالاسىنا قاتىستى كوپتەگەن ماسەلە ورتالىقتىڭ تىكەلەي ارالاسۋىمەن شەشىلىپ وتىردى. سوندىقتان توتەنشە جاعداي كەزىندەگى باسقارۋ ءىسىن ناقتى قۇرىلىمعا ساي ءبىر ورتالىقتان جۇرگىزۋ كەرەك بولادى. سونىمەن بىرگە, ەلىمىزدى ءدارى-دارمەكپەن جانە مەديتسينالىق ونىمدەرمەن قامتاماسىز ەتۋ ءىسىنىڭ ولقىلىقتارى انىقتالدى. ءبىز يمپورتقا تىم تاۋەلدىمىز. شەتەلدەن كەلەتىن دارىلەردىڭ نارىقتاعى ۇلەسى 88 پايىزعا جۋىق. فارماكولوگيالىق زەرتتەۋلەر جۇرگىزۋ ءۇشىن تاجىريبەمىز جەتكىلىكتى. عىلىمي بازادا بىلىكتى ماماندار دا بار. سوندىقتان ۇكىمەت ءدارى-دارمەك ءوندىرىسىنىڭ ءبىرتۇتاس جۇيەسىن قۇرۋى قاجەت. مۇندا زەرتتەۋ جۇرگىزۋدەن باستاپ ونەركاسىپتىك دەڭگەيگە دەيىنگى ۇدەرىستەر قامتىلۋى ءتيىس», - دەدى ق. توقاەۆ.
مەملەكەت باسشىسى ۇكىمەتكە وتاندىق فارماتسەۆتيكا ونەركاسىبىن دامىتۋ جوسپارىن جاساۋدى تاپسىردى.
«فارماتسەۆتيكا سالاسىنداعى ساياسات ىشكى سۇرانىستى قامتاماسىز ەتۋگە, وزىق تەحنولوگيا تارتۋعا جانە يمپورتتى الماستىرۋعا باعىتتالعانى ءجون. وسىعان وراي فارماتسەۆتيكا جانە مەديتسينا ونەركاسىبى سالاسىنداعى مەملەكەتتىك ساياساتتى قالىپتاستىرۋعا جانە ىسكە اسىرۋ مىندەتى دەنساۋلىق ساقتاۋ مينيسترلىگىنە بەرىلەدى. بۇل رەتتە سالانى دامىتۋ جانە حالىقتى ءتيىمدى ءدارى-دارمەكپەن قامتاماسىز ەتۋدىڭ تەپە-تەڭدىگى بۇزىلماۋى كەرەك. ۇكىمەتكە وتاندىق فارماتسەۆتيكا ونەركاسىبىن دامىتۋ جوسپارىن جاساۋدى تاپسىرامىن. وندا ناقتى كورسەتكىشتەر مەن ماقسات-مىندەتتەر ايقىندالۋى ءتيىس», - دەدى پرەزيدەنت.
