باستاۋىشتا وقىتۋ پەداگوگيكاسى مەن ادىستەمەسى كافەدراسىنىڭ ستۋدەنتتەرى ەكىنشى جىل قاتارىنان وسى فورۋمعا قاتىستى. بۇل ولاردىڭ بەلسەندىلىكتەرىن دامىتۋعا, شىعارماشىلىق الەۋەتىن قالىپتاستىرۋعا, تاڭداعان ماماندىعىنىڭ قىر-سىرىن تۇسىنۋگە ىقپال ەتەدى. فورۋمعا رەسەيدىڭ, بەلارۋسسيانىڭ ءارتۇرلى جوو-لارىنىڭ ستۋدەنتتەرى قاتىسىپ, ء وز جوبالارى مەن ازىرلەمەلەرىن تاربيە پراكتيكاسى, وقۋ ناتيجەلەرىن قالىپتاستىرۋ مازمۇنى مەن تەحنولوگيالارىن جاڭعىرتۋ ماسەلەلەرىنە ارنالعان سەكتسيالارعا ۇسىندى.
فورۋمدا باستاۋىشتى وقىتۋ پەداگوگيكاسى مەن ادىستەمەسى كافەدراسىنىڭ اعا وقىتۋشىسى, پەداگوگيكا ماگيسترى ەكاتەرينا ريابوۆا قۇتتىقتاۋ ءسوز سويلەدى. ءبوپا ماماندىعىنىڭ 3-كۋرس ستۋدەنتى تكاچەۆا الينا «دۇنيەتانۋ ساباقتارىندا باستاۋىش سىنىپ وقۋشىلارىنىڭ تانىمدىق ءىس-ارەكەتىن بەلسەندىرۋ جولدارى» تاقىرىبىنداعى بايانداماسىندا ءوزىنىڭ جەتىستىكتەرىن ۇسىنىپ, II دارەجەلى ديپلوممەن ماراپاتتالدى.
سونداي-اق, فورۋم اياسىندا جوو كوماندالارىنىڭ ۆيزيتكالار بايقاۋى ءوتتى. كافەدرانىڭ بەينەسيۋجەتىن 2 كۋرس ستۋدەنتتەرى ماناحوۆا اناستاسيا, ماحامەديەۆا سيتورا, چايكينا تاتيانا, ابدۋاحاكيموۆا لەيليا ۇسىندى (بەينەنى دايىنداۋعا نەروزنيكوۆا الەنا تەحنيكالىق قولداۋ كورسەتتى). ناتيجەسىندە بۇل كوماندا ءى دارەجەلى ديپلوممەن ماراپاتتالىپ, جەڭىمپاز اتاندى.
