شارانى اباي اتىنداعى قازۇپۋ تاربيە, الەۋمەتتىك جۇمىستار جانە جاستار ساياساتى جونىندەگى دەپاراتمەنت ديرەكتورىنىڭ ورىنباسارى قازىنا بەكبەنبەتوۆا اشىپ, جازعى ماۋسىمدا ستۋدەنتتەردى ۋاقىتشا جۇمىسپەن قامتۋ ءتارتىبى جانە ساربازدارعا قويىلاتىن تالاپتارمەن تانىستىرىپ ءوتتى.
الماتى قالاسى جاستار ساياساتىن دامىتۋ قورىنىڭ ديرەكتورى الما اۋعانباەۆا «جاسىل ەل» رەسپۋبليكالىق ەڭبەك جاساعى جوباسى تۋرالى تولىق اقپارات بەرىپ, جازعى ماۋسىمدا اتقارىلاتىن جۇمىستىڭ اۋقىمى جانە الداعى جوسپارلارىمەن ءبولىستى. ءوز كەزەگىندە, اتالمىش قوردىڭ باس ەسەپشىسى يرينا چۋبۋكوۆا جاساق قاتارىنا ۋاقىتشا جۇمىسقا قابىلداناتىن ساربازدارعا جۇمىسقا قاجەتتى نورماتيۆتىك قۇجاتتاردى اتاپ ءوتىپ, ەڭبەك اقى تولەۋ ءتاربىن ءتۇسىندىردى.
ۋنيۆەرسيتەتىمىزدىڭ ەڭبەكتى قورعاۋ جانە قاۋىپسىزدىك تەحنيكاسى ءبولىمىنىڭ ينجەنەرى اسحات بەكتاسوۆ ساربازدارعا تەحنيكالىق قاۋىپسىزدىك ەرەجەلەرىن ۇستانۋ بويىنشا بىرقاتار نۇقساۋلار بەرىپ, ماۋسىمدىق جۇمىس بارىسىندا قاۋىپسىزدىك ءتارتىبىن ساقتاۋعا شاقىردى.
جاستار ءىسى جونىندەگى كوميتەت توراعاسى, شارا مودەراتورى دىلدابەك ديداربەك ونلاين-ترەنينگ جۇمىسىن قورىتىندىلاي كەلە, «جاسىل ەل» ەڭبەك جاساعى قاتارىنا ساربازداردى قابىلداۋ جىلداعىداي بايقاۋ نەگىزىندە جۇرگىزىلەتىندىگىن جانە ىرىكتەۋ بارىسىندا جۇمىسقا قابىلداناتىن ستۋدەنتتىڭ الەۋمەتتىك جاعدايى مەن ەڭبەككە بەيىمدىلىگى ەسكەرىلەتىندىگىن اتاپ ءوتتى.
ونلاين-ترەنينگ بارىسىندا ستۋدەنتتەر ۇيىمداستىرۋشىلارعا جاساق جۇمىسىنا بايلانىستى كوكەيلەرىندە جۇرگەن ساۋالدارىن قويىپ, ەڭبەك جاساعى جۇمىسىن ءتيىم ۇيىمداستىرۋ بويىنشا ءوز ويلارىن ورتاعا سالدى.
