جەتىساي اۋدانىنا قاراستى ماقتالى اۋىلدىق وكرۋگىندە ورنالاسقان «تىڭ» اۋىلىنىڭ ديقانى مۇيتەنباەۆ بەكجىگىت ءوز يەلىگىندەگى 1 گەكتارعا ەرتە پىسەتىن پلەنكا استىنداعى قاربىز ەگىپ, 25 توننا ءونىمدى رەسەيگە جونەلتتى.
«ناۋرىز ايىنىڭ باسىندا قاربىزدىڭ 70 كۇندە پىسەتىن سورتىن ەكى قابات پلەنكا استىنا ەكتىك. اۋا-رايى قولايسىز بولعان كەزدەردە ۋايىمدادىق, ارينە. الايدا بارلىعى ويداعىداي بولدى. ءونىم جەردە قالعان جوق. باعاسى دا كوڭىلىمنەن شىقتى», دەيدى شارۋا.
جەتىساي اۋدانى بويىنشا 45 گەكتار اۋماقتىڭ قاربىزى مەن 11 گەكتاردىڭ قاۋىنى بۇگىن-ەرتەڭ پىسكەلى تۇر.
تۇركىستان وبلىسى
