پسيحولوگتاردىڭ پىكىرىنشە, سۋىق دەسەرت تانىمالدىعىنىڭ ءوسۋى كارانتين كەزىندەگى مازاسىز كۇي-جايعا جاۋاپ رەتىندە قازاقستاندىقتاردىڭ كوڭىل-كۇيىنىڭ وزگەرۋىنە جانە جاعىمدى ەموتسيالارعا دەگەن قاجەتتىلىكتىڭ ارتۋىنا بايلانىستى. «شين-لاين» كومپانياسىنىڭ ماماندارى ساتىپ الۋ بەلسەندىلىگىنىڭ ءوسۋىن راستايدى, سونداي-اق ولار كارانتين كەزىندە ۇسىنعان وتباسىلىق فورماتتاعى ءونىم اسسورتيمەنتىنە ايتارلىقتاي قىزىعۋشىلىق تانىتىلعانىن اتاپ وتەدى.
كوپتەگەن جىلدار ىشىندە العاش رەت بالمۇزداق ءوندىرۋشىسى تۋرا وتباسىلىق تۇتىنۋ سەگمەنتىندە ايتارلىقتاي ءوسىم تىركەلگەنىن تىلگە تيەك ەتەدى. ول 92%-عا ارتقان, بۇل وتكەن جىلعى كورسەتكىشتەن ەكى ەسە ارتىق. ەڭ ۇلكەن سۇرانىستى سالماعى 450 گرامنان 900 گرامعا دەيىنگى ۆاننالار, شەلەكتەر, رۋلەتتەر مەن پاكەتتەر سياقتى قاپتامالارداعى بالمۇزداق كورسەتەدى. مىسالى, وتباسىلىق فورماتتاعى تانىمال «ميشا» بالمۇزداعى 2019 جىلمەن سالىستىرعاندا 4,5 ەسە ءوسۋدى كورسەتىپ, تۇتىنۋشىلار اراسىندا وسى كەزەڭ ساتىلىمىنىڭ كوشباسشىسى اتاندى.
- ءبىز وتباسىلىق فورماتتاعى بالمۇزداقتىڭ قازاقستاننىڭ ءىرى قالالارى تۇرعىندارىنىڭ ءۇي اس ءمازىرىنىڭ اجىراماس بولىگىنە اينالىپ كەلە جاتقانىنا قۋانىشتىمىز. ءبىز ءاردايىم, ءتىپتى داعدارىس جاعدايىندا دا جاڭا شەشىمدەر مەن فورماتتاردى ىزدەيمىز. ءبىر مينۋت ۋاقىتتى دا بوس جىبەرمەي, ءدامى مەن ساپاسى تۇرعىسىنان ۇزدىك ءونىمدى الۋعا تىرىسامىز. كارانتيندە ءبىزدىڭ كاسىپورىن جۇمىس ىستەۋدى جالعاستىردى, 400-دەن استام قىزمەتكەر كاسىپورىندا وقشاۋلاندى, تۇراقتى تۇردە كاسىپورىننىڭ «تازا» پەريمەترى ىشىندە ءومىر ءسۇردى جانە ەڭبەك ەتتى, وسىلايشا ءبىز تۇتىنۋشىلارىمىزدى تولىق كولەمدە سۋىق دەسەرتپەن قامتاماسىز ەتتىك, ولاردىڭ جاعىمدى كوڭىل-كۇيىنە سەبەپكەر بولا الدىق دەپ ۇمىتتەنەمىز, - دەپ اتاپ ءوتتى «شين-لاين» كومپانيالار توبىنىڭ پرەزيدەنتى اندرەي شين.
ءداستۇرلى تۇردە قازاقستاندا بالمۇزداق ساتىلىمى تەك ىستىق جاز مەزگىلىندە عانا كەلەدى, نەگىزىنەن, بۇل ساياباقتار مەن مەرەكەلىك الاڭدارداعى بولشەك ساۋدا ورىندارى مەن كوپتەگەن ماۋسىمدىق ساۋدا ورىندارى ەسەبىنەن. ءۇي جاعدايىندا بالمۇزداق كوپ تۇتىنىلمادى. كوروناۆيرۋستىڭ كەلۋىمەن جانە وتباسى ءۇشىن ءونىمنىڭ كەڭ ۇسىنىسىمەن جاعداي وزگەردى. بۇل بۇقارالىق ءىس-شارالار مەن قالا تۇرعىندارىنىڭ ەركىن سەرۋەندەۋ ترافيگىنىڭ جوقتىعىنا قاراماستان ساتىلىمدى ارتتىرۋعا مۇمكىندىك بەردى. وسى جىلدىڭ كوكتەمىندە قازاقستاندىقتار وتباسىلىق فورماتپەن قاتار, نارىقتىڭ بەستسەللەرلەرى سانالاتىن كەلەسى قازاقستاندىق پورتسيالىق بالمۇزداقتاردى بەلسەندى تۇتىندى: كىلەگەي «بومبا» مەن «ميشكا نا پوليۋسە» كىلەگەيدەگى ءپلومبيرى. بالالار مەن ەرەسەكتەردىڭ نازارىن اۋداراتىن كامپيت سەرياسى سوڭعى جاڭالىقتارى – «كاراۆان», «بەلوچكا» جانە «كوروۆكا» بالمۇزداقتارىنىڭ دا ساتىلىمى ءوستى.
وتاندىق تۇتىنۋشىلار اراسىندا پورتسيالىق بالمۇزداق باسقا فورماتتاعى بالمۇزداققا قاراعاندا ءاردايىم تانىمال, ويتكەنى بۇل تاتتىمەن جىلدىڭ ىستىق مەزگىلىندە قالا ىشىندە سەرۋەندەپ, بار دامىمەن كوشەدە ءلاززات الۋعا بولادى. سونىمەن قاتار, ءۇي فورماتىنداعى بالمۇزداق نارىعىنىڭ الەۋەتى دە ماڭىزدى, دەيدى ماماندار. بالمۇزداق سالاسىنداعى الەمنىڭ جەتەكشى ساراپشىلارىنىڭ ءبىرى دميتري دوكيننىڭ پىكىرىنشە, «شين-لاين» كومپانياسى ءۇشىن قازاقستاندىقتاردىڭ جازدا عانا ەمەس, سونىمەن قاتار, ەۋروپا مەن امەريكا ەلدەرىندەگى سياقتى جىلدىڭ وزگە دە مەزگىلىندە سۋىق دەسەرتتى بەلسەندى تۇردە تۇتىنۋى ماڭىزدى. بۇل مىندەتتى شەشۋ ءۇشىن ارنايى ء«ۇي» فورماتتارى قاجەت, ولار «شين-لايندى» قازاقستاندىق قالالاردىڭ نارىعىنا ليترلىك قاپتاماداعى بالمۇزداق, تورت-بالمۇزداقتار پەن رۋلەتتەر تۇرىندە شىعارادى. ادامدار ۇيدە, وتباسىمەن كوپ ۋاقىت وتكىزۋدە, ولاردىڭ اسپازدىق جانە ونىمدەردى تۇتىنۋ ادەتتەرى دە وزگەرۋدە, سوندىقتان وندىرۋشىلەردىڭ دە وزگەرىسكە ءاردايىم سايكەس كەلە ءتۇسۋى ماڭىزدى.
