كوروناۆيرۋس ىندەتىمەن كۇرەستە تاۋلىك بويى العىشەپتە ەڭبەك ەتكەن دارىگەرلەردىڭ ەرەن ەڭبەگى دەنساۋلىق ساقتاۋ مينيسترلىگى تاراپىنان جوعارى باعالاندى. اينۇر قايراتقىزى 21 ناۋرىزدان بەرى قاۋىپتى ىندەتكە قارسى كۇرەستە الدىڭعى شەپتە قىزمەت ەتىپ كەلەدى. اق حالاتتى ابزال جان 2015 جىلى استانا مەديتسينا ينستيتۋتىنىڭ قوعامدىق دەنساۋلىق فاكۋلتەتىن بىتىرگەن. العاشقى ەڭبەك جولىن اقكول اۋداندىق اۋرۋحاناسىندا باستاعان. سوڭعى ەكى جىل وبلىستىق كوپبەيىندى اۋرۋحاناسىندا قىزمەت ەتۋدە. ەپيدەمولوگيالىق ءبولىمىنىڭ مەڭگەرۋشىسى.
– ءبىزدىڭ قىزمەتىمىز توتەنشە جاعداي كەزىندە ەرەكشە قاجەت بولدى. سول سەبەپتى كۇنى-ءتۇنى جۇمىس ىستەدىك. بىزگە قۇرمەت كورسەتىلىپ جاتسا, جالعىز ادامنىڭ ەمەس, ءبولىمنىڭ دە ۇلەسى بار,–دەيدى وبلىستىق كوپبەيىندى اۋرۋحاناسى ەپيدەميولوگيا ءبولىمىنىڭ مەڭگەرۋشىسى اينۇر قاليدوللا.
دەنساۋلىق ساقتاۋ مينيسترلىگى تاراپىنان وبلىستاعى 10 دارىگەرگە توسبەلگى تاعىلدى. بەيبىت كۇننىڭ باتىرلارى قانداي قۇرمەتكە بولسىن لايىق.
اقمولا وبلىسى
