سونداي-اق, ماماندار كوكتەمگى كەنە مەن وزگە دە جاندىكتەرگە قارسى پروفيلاكتيكالىق شارالاردىڭ ءتيىستى دەڭگەيدە ورىندالماۋىنا الاڭداۋدا. بۇل سالادا عىلىمنىڭ ۇلەسى الدەقايدا ازايعان.
– شارۋالار مالدىڭ جەم-شوبىنە عانا ءمان بەرەدى. جاقسى ءونىم الۋ ءۇشىن بۇل جەتكىلىكسىز. مامان رەتىندە بىزدەر ەكپە ەگۋدى نازاردان تىس قالدىرماۋعا كەڭەس بەرەمىز. قازىر كوپتەگەن شارۋا قوجالىقتارى الىس-جاقىن شەت ەلدەردەن اسىل تۇقىمدى مال اكەلۋدە. ال ونىڭ جەرسىنۋى, بىزدە تارالعان اۋرۋلارعا قارسى يممۋنيتەتىنىڭ قالىپتاسۋى ماڭىزدى. سونداي-اق, شەتەلدەن اكەلىنگەن مالمەن بىرگە اۋرۋلارى دا بىرگە كەلەدى. مۇنى دا ەسكەرۋ قاجەت,–دەيدى مال دارىگەرى جانعابىل اكىمباەۆ.
شەتتەن كەلگەن مالدى شەتەلدىك ءدارى-دارمەكسىز بەكەرگە شىعىنداپ الۋىڭىز ىقتيمال. «اسىل كوكشە زووۆەتسناب» سەرىكتەستىگى ەۋروپا مەن اقش-تىڭ ايگىلى ۆەتەرينارلىق كومپانيالارىنىڭ رەسمي وكىلى. ماماندار كوممەرتسيامەن قاتار عىلىمي كومەك كورسەتەدى. ۆەتەرينارلار مال اۋرۋلارىنىڭ دا جىل ساناپ وزگەرىپ وتىرعاندىعىن ەسكەرتەدى. سول سەبەپتى, اۋىل تۇرعىندارىنىڭ جەكە مال باسىنا دا قاۋىپ بار.
اقمولا وبلىسى
