وبلىستىق پوليتسيا دەپارتامەنتىنىڭ ەسەبىندە تۇرعان ادامدار اركەز ءتارتىپ ساقشىلارىنىڭ ءجىتى نازارىندا. شارا بارىسىندا 5 مىڭ استام اۋەسقوي اڭشىلاردىڭ ۇيلەرىندەگى قارۋلاردى ساقتاۋ جايى تەكسەرىلدى.
– وبلىس اۋماعىندا اۋىر جانە اسا اۋىر قىلمىستاردىڭ الدىن-الۋ ماقساتىندا 5-ءشى ءجان 31 مامىر ارالىعىندا «ۋچاستوك» ءىس-شاراسى وتكىزىلۋدە. بۇل ءىس-شارا اكىمشىلىك ۋچاسكەلەردە تۇراتىنداردىڭ جانە تىزىمدىك ەسەپتە تۇرعان ادامداردىڭ ناقتى سانىن انىقتاۋعا باعىتتالعان. بۇگىنگى كۇنى وبلىس بويىنشا ەسەپتە تۇرعان 10 مىڭنان استام تۇلعا بار. شارا بارىسىندا 1200 پاتەر تەكسەرىلدى. زاڭسىز بەرىلگەن 204 جالدامالى پاتەر انىقتالدى,–دەيدى وبلىستىق جەرگىلىكتى پوليتسيا قىزمەتى باسقارماسى باستىعىنىڭ ورىنباسارى رۋسلان مۇساەۆ.
ىشىمدىككە سالىنىپ, ناشاقورلىققا قۇمارتقاندار جانداردا نازاردان تىس قالمايدى. سونداي-اق, مەرزىمىنەن بوساتىلعان ازاماتتاردا ارنايى قاداعالانادى. ءتارتىپ ساقشىلارى اي سايىن ولارمەن جەكە كەزدەسۋلەر ۇيىمداستىرىپ تۇرادى. بۇل شارا الداعى ۋاقىتتا جالعاسىن تاپپاق.
