ايماقتار • 26 مامىر، 2020

الماتى قالاسىنداعى جيھاز شەبەرحاناسىندا ءورت شىقتى

54 رەت كورسەتىلدى

بۇگىن ساعات 05:12-دە الماتى قالاسى تج دەپارتامەنتىنىڭ  پۋلتىنە اۋەزوۆ اۋدانى مۇستاي كارىم كوشەسى 1ب/3 مەكەن-جايىنىڭ تۇتىندەپ جاتقانى تۋرالى حابارلاما كەلىپ ءتۇستى.  العاشقى ءورت ءسوندىرۋ بولىمشەلەرى 7 مينۋتتا كەلدى، جيھاز شەبەرحاناسىنىڭ اۋماعىندا جينالىپ تۇرعان كەسىلگەن اعاشتار مەن «Foton Aumark» ماركالى اۆتوكولىك وتقا ورانعان. بۇل تۋرالى قالالىق دەپارتامەنتتىڭ ءباسپاسوز قىزمەتى حابارلادى.

جەكە تۇرعىن ءۇي سەكتورىنا وڭتۇستىك جاعىنان ءورتتىڭ تارالۋ قاۋپى بولدى. ءورت ءسوندىرۋ تەحنيكاسى مەن جەكە قۇرام شاقىرتۋدىڭ جوعارى دەڭگەيىمەن جىبەرىلدى. ءوزارا ارەكەت ەتۋ قىزمەتتەرىمەن بىرلەسىپ  شۇعىل تۇردە جەدەل شتاب قۇرىلدى، وڭتۇستىك-شىعىس جانە وڭتۇستىك-باتىس جاعىنان ەكى جاۋىنگەرلىك ۋچاسكە ورنالاستىرىلدى. قر ءىىم تجك اۆياتسياسى وقيعا ورنىنا كەلۋگە دايىن بولدى.                    

جەدەل قابىلدانعان شارالاردىڭ ارقاسىندا جالپى الاڭى 970 شارشى مەتردى قۇراعان ءورت ساعات 6-دا جويىلدى. تۇرعىن ۇيلەرگە جانە سانتەحنيكالىق جابدىقتار ساتاتىن جاقىن ورنالاسقان ءۇي-جايلارعا  ءورتتىڭ تارالۋ قاۋپىن جويۋعا مۇمكىندىك تۋدى.

وقيعا ورنىنا 19 بىرلىك تەحنيكا، جەكە قۇرام مەن ءوزارا ارەكەت ەتۋ قىزمەتتەرىنەن 65 ادام جۇمىلدىرىلدى. اۋەزوۆ اۋدانىنىڭ پوليتسيا باسقارماسىمەن قورشاۋ جۇمىستارى جۇرگىزىلدى. زارداپ شەككەندەر مەن قايتىس بولعاندار جوق.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار