«بۇگىنگى كۇنى قارۋلى كۇشتەردىڭ اسكەري قىزمەتشىلەرى مەن رەسپۋبليكالىق اسكەري مەكتەپ تاربيەلەنۋشىلەرى – بولاشاق وتان قورعاۋشىلار ءۇشىن ساعادات قوجاحمەت ۇلى نۇرماعامبەتوۆتىڭ ءومىر جولى وتانعا دەگەن باتىلدىق پەن توزىمدىلىكتىڭ ۇلگىسى بولىپ تابىلادى. ءبىز ۇلى باتىرلاردىڭ مۇراگەرلەرى ولاردىڭ داڭقتى داستۇرلەرىن ساقتاپ, ءارى قاراي جالعاستىرامىز دەگەن سەنىمدەمىن», – دەدى قورعانىس ءمينيسترىنىڭ ورىنباسارى گەنەرال-لەيتەنانت تيمۋر داندىباەۆ.
ساعادات نۇرماعامبەتوۆ – ول اڭىز ادام. ونىڭ ءومىربايانى-اتى اڭىزعا اينالعان جانە قايتالانباس ادام ءومىرىنىڭ بىرەگەي تاريحى. اسكەري باتىرلىق پەن قايراتتىلىق, وفيتسەرلىك ەرلىك پەن ابىرويدىڭ ۇلگىسى.
1941-1945 جج, ۇلى وتان سوعىسىنىڭ قاتىسۋشى, كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ ءبىرىنشى قورعانىس ءمينيسترى ساعادات نۇرماعامبەتوۆ 1924 جىلى 25 مامىردا اقمولا وبلىسى الەكسەەۆكا اۋدانى ەڭبەك اۋىلىندا دۇنيەگە كەلگەن. ول العاشقى تۇركىستان پۋلەمەت اسكەري ۋچيليششەسىن, م. فرۋنزە اتىنداعى اسكەري اكادەميانى, كسرو قارۋلى كۇشتەرى باس شتابىنىڭ اسكەري اكادەمياسى جانىنداعى جوعارى اكادەميالىق كۋرستاردى بىتىرگەن.
1942 جىلى اسكەر قاتارىنا شاقىرىلدى, 1945 جىلدىڭ مامىر ايىنا دەيىن ول سوعىس دالاسىندا پۋلەمەت ۆزۆودى كومانديرى رەتىندە, سودان كەيىن پۋلەمەت روتاسىن, اتقىشتار باتالونىن باسقاردى. كراسنودار ولكەسىن, ۋكراينا, مولداۆيانى, باتىس بەلورۋسسيانى, پولشانى ازات ەتۋگە قاتىسقان.
1945-1946 جىلدارى ستەپنوي اسكەري وكرۋگىنىڭ جوعارى وقۋ ورىندارى ءبولىمىنىڭ ينسپەكتورى بولدى. سودان كەيىن اسكەري اكادەميادا وقىدى. 1950 جىلدان 1984 جىلعا دەيىن تۇركىستان اسكەري وكرۋگى جەدەل ءبولىمىنىڭ اعا وفيتسەرى, موتواتقىشتار پولكىنىڭ كومانديرى, 201-ءشى موتواتقىشتار ديۆيزياسى شتابىنىڭ باستىعى, قازاق كسر ازاماتتىق قورعانىس شتابىنىڭ باستىعى, ورتا ازيا اسكەري وكرۋگى اسكەرلەرى قولباسشىسىنىڭ ورىنباسارى, وڭتۇستىك اسكەر توبى (ۆەنگريا) قولباسشىسىنىڭ ءبىرىنشى ورىنباسارى بولدى.
1990-1992 جىلدارى سوعىس, ەڭبەك جانە قارۋلى كۇشتەر ارداگەرلەرى قازاق رەسپۋبليكالىق كەڭەسىنىڭ توراعاسى, ارداگەرلەر, مۇگەدەكتەر جانە اسكەري قىزمەتشىلەر ىستەرى جونىندەگى قر جوعارعى كەڭەسى كوميتەتىنىڭ توراعاسى, قر مەملەكەتتىك قورعانىس كوميتەتىنىڭ توراعاسى بولدى.
تاۋەلسىز قازاقستاننىڭ قارۋلى كۇشتەرى قۇرىلا باستاعان جىلدارى, 1992-1995 جىلدار ارالىعىندا ساعادات نۇرماعامبەتوۆ قازاقستان قورعانىس ءمينيسترى بولدى. ءدال وسى ۋاقىتتا قازاقستان ارمياسىندا ماڭىزدى رەفورمالار قابىلدانعان, ماڭىزدى كەز بولدى. 1993 جىلدىڭ مامىر ايىندا وعان «ارميا گەنەرالى» اسكەري اتاعى بەرىلدى. ءبىر جىلدان كەيىن ەل پرەزيدەنتىنىڭ جارلىعىمەن نۇرماعامبەتوۆكە «التىن جۇلدىز» سىيلىعىمەن حالىق قاھارمانى اتاعى بەرىلدى.
1995 جىلدىڭ قاراشاسىندا گەنەرال وتستاۆكاعا شىقتى, سودان كەيىن پرەزيدەنتتىڭ كەڭەسشىسى بولىپ, بىرنەشە رەت جوعارعى كەڭەستىڭ دەپۋتاتى بولىپ سايلاندى.
وفيتسەر لەنين, وكتيابر رەۆوليۋتسياسى, قىزىل تۋ, قىزىل جۇلدىز, I, II دارەجەلى وتان سوعىسى وردەندەرىمەن, «كسرو قك-دەگى وتان قىزمەتى ءۇشىن» جانە باسقا دا كوپتەگەن ناگرادالارمەن ماراپاتتالدى. «ليتسوم ك وگنيۋ», «نادەجنىي ستراج سوتسياليستيچەسكيح زاۆوەۆاني», «موي پەرەدني كراي», «ا ۆ پامياتي نەت تيشينى» كىتاپتارىنىڭ اۆتورى.
ارميا گەنەرالى ساعادات نۇرماعامبەتوۆ 2013 جىلى 89 جاسىندا ومىردەن وزدى. الايدا, ول تۋرالى ەستەلىكتەر ماڭگى جادىمىزدا قالادى. گەنەرالدىڭ ەرلىگى جانە باتىرلىعىمەن قازاقستاندىق اسكەري قىزمەتشىلەردىڭ مىڭداعان ۇرپاعى تاربيەلەنۋدە.
