ايماقتار • 25 مامىر، 2020

«ازاماتتارعا ارنالعان ۇكىمەت» جاعدايعا قاراي جاڭاشا جۇمىس ىستەپ جاتىر

35 رەت كورسەتىلدى

وڭىرلىك كوممۋنيكاتسيالار قىزمەتىندە وتكەن بريفينگتە اقمولا وبلىسى بويىنشا «ازاماتتارعا ارنالعان ۇكىمەت» فيليالىنىڭ ديرەكتورى باۋىرجان ەرىمبەتوۆ حالىققا قىزمەت كورسەتۋ ورتالىعى جۇمىسىنىڭ جاڭا فورماتى جونىندە ايتىپ بەردى.

وتكەن اپتادا اقمولا وڭىرىندە ورنالاسقان اتالمىش ورتالىقتاردىڭ ءبارى ءوز جۇمىسىن جانداندىردى. كوروناۆيرۋس پاندەمياسى جاعدايىندا دا ورتالىق بارلىق 642 مەملەكەتتىك قىزمەتتى ۇسىندى. ونىڭ ىشىندە  بۇرىنعىداي كۇنىنە مىڭنان استام ادامعا قىزمەت كورسەتۋ اقمولالىقتار مەن ءبىزدىڭ ەڭبەككەرلەردىڭ ءومىرى مەن دەنساۋلىعىنا قاۋىپ توندىرەدى. ولار بۇل قىزمەتتى ونلاين تۇرىندە الا الادى.

وسى ورايدا، حالىققا قىزمەت كورسەتۋ ورتالىقتارى جۇمىسىنىڭ ءتارتىبىن وزگەرتۋ جونىندە شەشىم قابىلداندى. بۇل جاڭالىق ورتالىقتاردا كورسەتىلەتىن مەملەكەتتىك قىزمەت تۇرلەرىن، فورماتى مەن ونىڭ ۇسىنىلۋىن قامتىدى. جاڭا كونتسەپتسياعا سايكەس، ەلەكتروندىق فورماتتا الىنبايتىن قىزمەتتىورتالىقتاردان قاعاز تۇرىندە الۋعا بولادى. قىزمەت ناتيجەسى الدىن الا egov.kz. پورتالىندا تولتىرىلادى،–دەگەن فيليال ديرەكتورى بۇگىنگى كۇنى مەملەكەتتىك قىزمەت ءتىزىلىمى 694 مەملەكەتتىك قىزمەتتى قۇرايتىنىن، ونىڭ 80 پايىزىن ەلەكتروندىق ۇكىمەتتىڭ پورتالىنان الۋعا بولاتىنىن ايتىپ ءوتتى. ەندى كوكشەتاۋ قالاسىنىڭ حالىققا قىزمەت كورسەتۋ ورتالىقتارىندا تەك 97 مەملەكەتتىك قىزمەت كورسەتىلەدى. ولار بۇگىنگى كۇنگە دەيىن ەلەكتروندىق ۇكىمەتتىڭ پورتالىندا اۆتوماتتاندىرىلماعاندىقتان، قىزمەت قاعاز تۇرىندە كورسەتىلەدى. كوكشەتاۋ قالاسىنداعى ورتالىقتارعا بارۋ ءۇشىن egov.kz پورتالىنداعى«eGovKzBot2.0 تەلەگرام-بوتە» ارنايى سەرۆيس نەمەسە 1414 ءنومىرى ارقىلى الدىن الا كەزەككە تۇرۋ قاجەت.

  –برون تەك قىزمەت الۋشىنىڭ جسن-ىنان جاسالادى. ەگەر ازامات بروندى الدىن الا المايورتالىققا كەلەتىن بولسا،وعان مۇندا كەزەككە تۇرۋدى ۇسىنادى. دەگەنمەن، ءاردايىم بۇل ۋاقىتتا ورتالىقتا بوس تەرەزە بولماۋى مۇمكىن. بۇل جاعدايدا ازامات ءوز ۋاقىتىن كۇتەدى نەمەسە كەلەسى كۇنگە برونداۋ ارقىلى كەزەككە تۇرادى. الدىن الا جازۋسىز قىزمەت كورسەتىلمەيدى. مۇنداي جۇمىستىڭ ءۇردىسى كەزەكتە تۇرعان ازاماتتاردىڭ كوبەيۋىنە جول بەرمەيدى. ءار قىزمەت الۋشى بروندالعان ۋاقىتىندا كەلەتىن بولادى. ءسويتىپ، ازاماتتار ۇزىن-سونار كەزەكتە تۇرماي، ورتالىققا بارۋ ۋاقىتىن جوسپارلاي الادى. قىزمەتتەردى egov.kz پورتالىنان الۋعا بولادى. كوكشەتاۋلىقتار ونى ۇيدە نەمەسە كەڭسەدە الا الادى.

ول ءۇشىن ەلەكتروندىق-تسيفرلىق قول الۋى قاجەت. قولدى بۇگىنگى كۇنى egov.kz. پورتالىنان الۋعا بولادى. ەلەكتروندىق ۇكىمەت پورتالىن پايدالانۋ جونىندە ماسەلەلەر تۋىنداعان جاعدايدا ازاماتتار 1414 بىرىڭعاي بايلانىس ورتالىعىمەن نەمەسە پورتالدىڭ ۆيرتۋالدىق اسسيستەنتىمەن حابارلاسا الادى. سونداي-اق، كومپيۋتەرى جوق قالا تۇرعىندارى ءۇشىن ورتالىقتان تىس egov.kz ءوز وزىنە قىزمەت كورسەتۋدىڭ 8 ورىنى اشىلعان. ولار جۇمىسپەن قامتۋ، ءبىلىم بولىمدەرى مەن كاسىپكەرلەر پالاتاسىندا ورنالاسقان. مۇنداي ورىندار سانى قالادا كوبەيە تۇسپەكشى. ورتالىقتاعى ەلەكتروندىق قىزمەتتى زەينەتكەرلەر، كوپبالالى وتباسىلار، مۇمكىندىگى شەكتەۋلى ادامدار الادى. ولار ءۇشىن ءار فرونت كەڭسەدە جەڭىلدىك تەرەزەسى جۇمىس ىستەيدى. ولار ورتالىققا كەلۋ ءۇشىن كەزەگىن برونداۋ قاجەت.

ءبىز ورتالىقتىڭ ەڭبەككەرلەرىمەن 1414 كولل-ورتالىعىن جانە egov.kz پورتالىنداعى بەينەتەلەفون شالۋدى قابىلدايتىن بايلانىس ورتالىعىن ۇيىمداستىردىق. مۇندا ورتالىق وپەراتورلارى بەينە بايلانىسپەن پەپ قىزمەتىن الۋعا كومەكتەسەدى. بۇل جاڭالىق تەك قانا كوكشەتاۋ قالاسىندا ورنالاسقان حالىققا قىزمەت كورسەتۋ ورتالىقتارىنا قاتىستى.

وزگە قالا مەن اۋدان ورتالىقتارىندا ورنالاسقان ورتالىقتار بۇرىنعىداي وزگەرىسسىز جۇمىس ىستەيدى. بۇگىنگى كۇنى جۇقپالى اۋرۋدىڭ تارالۋىنا جول بەرمەۋ ماقساتىندا ازاماتتاردى ورتالىققا شاعىن توپپەن كىرگىزەدى. جالپى، ورتالىق بارلىق سانيتارلىق-گيگەنالىق نورمالاردى ساقتاپ جۇمىس ىستەيدى. مىندەتتى تۇردە بەتپەردە تاعۋ قاجەت. ورتالىقتا سانيتايزەرلەر ورناتىلىپ، انتيسەپتيكتەر قويىلعان،–دەپ ءسوزىن قورىتىندىلاعان  فيليال ديرەكتورى باۋىرجان ەرىمبەتوۆ بۇدان كەيىن جۋرناليستەردىڭ ساۋالىنا جاۋاپ بەردى.

 

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار