بۇگىندە نيەت بىلدىرگەن ستۋدەنتتەردىڭ قاراسى كوپ. ءساۋىر ايىنان باستاپ جۇمىسقا ورنالاسۋعا 30-دان استام جاس ءوتىنىم بەرگەن. ولاردىڭ بارلىعى دا كەلىسىلگەن مەملەكەتتىك مەكەمەلەردە جۇمىستارىن باستاپ كەتتى.
– ستۋدەنتتەر ءوتىنىم بەرۋ ءۇشىن جەكە كۋالىگىن, وقۋ ورنىنان انىقتاما جانە بانكتەن ەسەپشوت اشقاندىعى تۋرالى ارنايى قاعازىن عانا تاپسىرۋى قاجەت. جۇمىسقا ورنالاسۋ ءۇشىن ارنايى ءبىلىمنىڭ قاجەتى جوق, ولار كومەكشى رەتىندە مەملەكەتتىك مەكەمەلەرگە قۇجاتتاردى وڭدەۋ جۇمىستارى بويىنشا قىزمەتكە ورنالاسا الادى,–دەيدى كوكشەتاۋ قالالىق جۇمىسپەن قامتۋ ورتالىعىنىڭ مامانى گۇلنار تاتەنباەۆا.
توميريس 1-كۋرس ستۋدەنتى. نۇر-سۇلتان قالاسىندا ەۋرازيا ۇلتتىق ۋنيۆەرسيتەتىنىڭ عىلىمي گەوگرافيا ماماندىعىندا وقيدى. جازعى دەمالىسىن ءتيىمدى وتكىزەيىن دەگەن ماقساتپەن جۇمىسپەن قامتۋ ورتالىعىنا ءوتىنىم بەرگەن. مەملەكەتتىك تاپسىرىستار جونىندەگى باسقارماعا جۇمىسقا ورنالاسقان.
– كەشە ءوتىنىم بەرۋگە كەلىپ, بىردەن كەلىسىمگە وتىردىم. ەرتەڭ جۇمىسقا كىرىسەمىن. بۇل مەن سياقتى قاراپايىم ستۋدەنت ءۇشىن ءۇشىن ءبىر جاعىنان ۇلكەن تاجىريبە, ەكىنشىدەن بولاشاقتا كەز-كەلگەن سالادا قىزمەت اتقارا الاتىن مامان بولۋىما دا كومەكتەسەدى دەپ ويلايمىن,–دەيدى ستۋدەنت توميريس مۋتاللاپوۆا.
قوعامدىق جۇمىستاردىڭ مەرزىمى – 7 اي. ەڭبەك اقىسى 57375 تەڭگەنى قۇرايدى. 16 مەن 18 جاس ارالىعىنداعى ستۋدەنتتەر نەمەسە جوعارى سىنىپ وقۋشىلارى اتا-انانىڭ كەلىسىمى كورسەتىلگەن حاتتامانى تاپسىرۋلارى قاجەت.
