–قۇس ەتى كوكشەتاۋ قالاسى مەن نۇر-سۇلتان قالالارىنا جىبەرىلۋدە. جىلىنا 2,5 مىڭ توننا ەت وندىرەمىز, دەيدى «Blicterminal» سەرىكتەستىگىنىڭ قۇرىلتايشىسى ەربول جۋاروۆ.
ءوندىرىس ورنى جوعارى ساپالى ءونىم ۇسىنۋدا. ول ءۇشىن فابريكادا بارلىق جاعداي جاسالعان. زاماناۋي جابدىقتار گەرمانيادان الىنعان. نەگىزگى وندىرىلگەن ءونىم مۇزداتىلعان قۇس ەتى.
–برويلەر تاۋىعى جالپى 42 كۇن وسىرىلەدى. ساپاسى جوعارى. قۇس جەمىن اۋدانداعى ديقانداردان ساتىپ الامىز. تولىعىمەن تەكسەرۋدەن وتەدى, دەيدى «Blicterminal» سەرىكتەستىگى قۇس فابريكاسىنىڭ ديرەكتورى دينارا مالعاجداروۆا.
فابريكا قۇرىلىسى 2018 جىلى باستالىپ, بىلتىر قولدانىسقا بەرىلگەن. كاسىپورىننىڭ جالپى قۇنى 1 ملرد 300 مىڭ تەڭگە. اتالمىش قۇس فابريكاسى جۇزگە تارتا ادامدى جۇمىسپەن قامتىپ وتىر. الداعى جوسپار-وندىرىلەتىن ءونىم ساپاسىن ارتتىرىپ, سانىن كوبەيتۋ.
اقمولا وبلىسى
