ايماقتار • 23 مامىر، 2020

اقتوتى رايىمقۇلوۆا مادەنيەت سالاسىنىڭ ۇزدىكتەرىن ماراپاتتادى

158 رەت كورسەتىلدى

تۇركىستاندا مادەنيەت جانە سپورت ءمينيسترى اقتوتى رايىمقۇلوۆا مادەنيەت سالاسىنىڭ دامۋىنا ەلەۋلى ۇلەس قوسىپ جۇرگەن مايتالماندارعا مينيسترلىكتىڭ ماراپاتىن تابىس ەتتى.

اتالعان ءىس-شاراعا وبلىس اكىمىنىڭ ورىنباسارى ساكەن قالقامانوۆ پەن وبلىستىق مادەنيەت باسقارماسى باسشىسىنىڭ مىندەتىن اتقارۋشى ءازىمحان سەرىك ۇلى جانە مادەنيەت قىزمەتكەرلەرى قاتىستى. ەڭبەگى جوعارى باعالانعاندار قاتارىندا وبلىستىق مادەنيەت باسقارماسى مادەنيەت جانە ونەر ءبولىمىنىڭ باسشىسى گۇل سوۆەتحانقىزى، ايتىسكەر اقىن كاريما ورالوۆا، ومىربەك قونىسبەكوۆ، الماگۇل يندەمەسوۆا مادەنيەت جانە سپورت مينيسترلىگىنىڭ «مادەنيەت سالاسىنىڭ ۇزدىگى» توسبەلگىسىمەن ماراپاتتالدى.

سونىمەن قاتار اقتوتى راحمەتوللاقىزى بىرقاتار قىزمەتكەرگە مينيسترلىكتىڭ قۇرمەت گراموتاسى مەن العىس حاتىن دا ءوز قولىمەن تابىستاپ، ماراپات يەلەرىنە اق تىلەگىن ارنادى. شارا سوڭىندا ايتىسكەر اقىن، حالىقارالىق، رەسپۋبليكالىق اقىندار ايتىسىنىڭ جەڭىمپازى كاريما ورالوۆا كوپشىلىك اتىنان العىسىن ءبىلدىردى.

سوڭعى جاڭالىقتار

ۇقساس جاڭالىقتار