ايماقتار • 23 مامىر، 2020

اتىراۋ: وقۋشىلار سوڭعى قوڭىراۋدا جۇمەكەن جىرلارىن وقيدى

173 رەت كورسەتىلدى

بيىل ءانۇران اۆتورلارىنىڭ ءبىرى –جۇمەكەن ناجىمەدەنوۆتىڭ تۋعانىنا 85 جىل. وسىعان «اتىراۋ» تەلەارناسى  #Jumeken85 ولەڭ ەستافەتاسىن باستاعان بولاتىن.

باستى ماقسات — تۇڭعيىق جىردىڭ تۇنىعى اتانعان مەرەيگەر اقىننىڭ شىعارماشىلىعىن دارىپتەۋ ارقىلى جاس ۇرپاقتى وتانسۇيگىشتىككە تاربيەلەۋ. اتىراۋدان  باستاۋ العان جىر ەستافەتاسىن  مەملەكەت جانە قوعام قايراتكەرلەرى، جوعارى وقۋ ورنىنىڭ باسشىلارى مەن زيالى قاۋىم قولدادى. ولاردىڭ اراسىندا ونەر زەرتتەۋشىسى يليا جاقانوۆ، كومپوزيتور تولەگەن مۇحامەدجانوۆ، قازاقستان جازۋشىلار وداعىنىڭ باسقارما توراعاسى ۇلىقبەك ەسداۋلەت، اقىن سۆەتقالي نۇرجان، پارلامەنت سەناتىنىڭ دەپۋتاتتارى نۇرتورە ءجۇسىپ پەن سارسەنباي ەڭسەگەنوۆ، مادەنيەت جانە سپورت ءمينيسترى اقتوتى رايىمقۇلوۆا  دا بار.

اقىن ولەڭدەرىن وقۋعا مەكتەپ وقۋشىلارى دا بەلسەندىلىكپەن قاتىسۋدا. ەندى اتىراۋ وبلىسىنداعى بارلىق مەكتەپتىڭ وقۋشىلارى جۇمەكەن اقىننىڭ جىرلارىن سوڭعى قوڭىراۋدا ونلاين وقۋعا دايىندالىپ وتىر.

– ۆولونتەر جىلى اياسىندا بۇل ءىس-شارانى مەكتەپ وقۋشىلارى ەرىكتى تۇردە وتكىزەدى. وبلىستىق ءبىلىم باسقارماسى ولەڭ وقۋدى ۇسىنىس رەتىندە بەردى. وقۋشىلار مەن اتا-انا قولدايدى دەپ سەنەمىز،  - دەيدى يدەيا اۆتورى، بەلگىلى تەلەجۋرناليست، «اتىراۋ» تەلەارناسىنىڭ ديرەكتورى اۋەسبايدىڭ قاناتى.

سوڭعى جاڭالىقتار

ۇقساس جاڭالىقتار