ءبىلىم • 23 مامىر، 2020

وقۋلىقتار مەكتەپ كىتاپحاناسىنا كەستە بويىنشا تاپسىرىلادى

14 رەتكورسەتىلدى

بۇل تۋرالى مو قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى ءبىلىم ساپاسىن باقىلاۋ دەپارتامەنتىنىڭ باسشىسى ەسبولات ومىرزاق حابارلادى.

ءبىلىم بەرۋ ۇيىمدارى مەن مۇعالىمدەردەن سۇرالاتىن ەسەپتىلىكتەردىڭ سانىن شەكتەۋ تۋرالى 6-ساۋىردە 130-بۇيرىق قابىلداندى. 25-مامىر كۇنى وتەتىن سوڭعى قوڭىراۋدى ءاربىر سىنىپ جەتەكشىسى ءوز وقۋشىلارىمەن وتكىزەتىن بولادى. وقۋ جىلىنىڭ اياقتالۋىنا بايلانىستى وقۋلىقتاردى مەكتەپ كىتاپحاناسىنا تاپسىرۋ جۇمىسى دا بەكىتىلگەن كەستە بويىنشا رەت-رەتىمەن جۇرگىزىلەدى. تاعى ايتا كەتەتىن ءجايت، مۇعالىم ەڭبەك دەمالىسىنا شىعۋىنا بايلانىستى مەكتەپ وقۋشىلارىنا وقۋلىقتارىڭىزدى تەز ارادا تاپسىرىڭىز دەپ، مەكتەپكە توپتاپ شاقىرۋعا بولمايدى. ال جوسپار بويىنشا ۇلتتىق بىرىڭعاي تەستىلەۋ بەلگىلەنگەن ۋاقىت بويىنشا وتپەك.

- «ونلاين سوڭعى قوڭىراۋ» شاراسى بەلگىلى ءبىر مەرزىمدە وتكىزىلمەيدى. يكەمدى كەستە بويىنشا وتەدى. 3-4 ماۋسىمدا وتەتىن اتەستات بەرۋ كەزىندە ساقتىق شارالارى قاتاڭ ساقتالۋى قاجەت. ەگەر ساقتىق شارالارى ساقتالماي، ايتىلعان ۇسىنىستار ەسكەرىلمەيتىن بولسا، ءبىزدىڭ تاراپىمىزدان ءتيىستى اكىمشىلىك شارا الىنۋى مۇمكىن، - دەدى ماڭعىستاۋ وبلىسى ءبىلىم سالاسىنداعى باقىلاۋ دەپارتامەنتىنىڭ باسشىسى ەسبولات ومىرزاق.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار