ايماقتار • 22 مامىر، 2020

تۇركىستاندا كارانتين تالاپتارىن ساقتاماعان تاماقتانۋ ورىندارىنىڭ جۇمىسى توقتاتىلدى

57 رەتكورسەتىلدى

تۇركىستان وبلىسى اۋماعىندا قازىرگى تاڭدا كوروناۆيرۋس ينفەكتسياسىن جۇقتىرعان 267 جاعداي تىركەلگەن. توتەنشە جاعداي اياقتالعانىمەن قاۋىپ سەيىلگەن جوق. وسى ورايدا ءتيىستى ورىندار ءوڭىردىڭ ءار ازاماتىن كارانتين تالاپتارىن ءوز دەڭگەيىندە ساقتاۋعا شاقىرۋدا.

وبلىستىڭ باس مەملەكەتتىك سانيتاريالىق دارىگەرى ن.نىشانوۆ تۇركىستان قالاسىنداعى بىرقاتار الەۋمەتتىك نىساندى ارالاپ، «كارانتين ءىس-شارالارىن وزگەرتۋ تۋرالى» جاريالانعان №17 قاۋلى تالاپتارىنىڭ ورىندالۋىن باقىلادى.  ادام كوپ شوعىرلاناتىن ورىنداردىڭ ءبىرى – ورتالىق بازار اۋماعىنداعى سانيتارلىق احۋالمەن تانىسىپ، كاسىپكەرلەرمەن سۇحباتتاستى. سانيتارلىق تالاپتار ەڭ الدىمەن تۇرعىنداردىڭ قاۋىپسىزدىگىن قامتاماسىز ەتۋ ءۇشىن قاجەتتىگى ەسكەرتىلدى. قازىرگى تاڭدا وبلىس اۋماعىندا 121 ءموبيلدى توپ قاۋلى تالاپتارىنىڭ ورىندالۋىنا تۇراقتى مونيتورينگ جۇرگىزۋدە. بۇگىنگە دەيىن وبلىس اۋماعىندا 413 نىساندا باقىلاۋ جۇرگىزىلگەن. قاۋلىعا سايكەس، قوعامدىق تاماقتانۋ ورىندارىنا تاماق جەتكىزۋ قاعيداتىمەن عانا جۇمىس ىستەۋگە رۇقسات بەرىلگەن. الايدا، مونيتورينگ جۇرگىزۋ بارىسىندا تۇركىستان قالاسىنىڭ بازار اۋماعىندا جىلدام قىزمەت كورسەتەتىن  2 قوعامدىق تاماقتانۋ ورنى جانە كاۋاپ  دايىنداۋ پاۆيلونى تۇرعىنداردى قابىلداپ،  ادامداردىڭ كوپ شوعىرلانۋىنا جول بەرگەنى انىقتالدى. وسى كەمشىلىكتەر بويىنشا جەكە كاسىپكەرلەرگە كارانتين تالاپتارى بويىنشا ءتۇسىندىرىلدى. ناتيجەسىندە، جوعارىدا اتالعان قوعامدىق تاماقتانۋ ورىندارىنىڭ جۇمىسىن توقتاتۋ تۋرالى شەشىم قابىلداندى. وبلىس اۋماعىندا سانيتارلىق تالاپتاردىڭ ساقتالۋىنا باقىلاۋ جالعاسۋدا.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار