كوروناۆيرۋس • 22 مامىر، 2020

COVID-19-دى ەمدەۋدىڭ قازاقستاندىق ءادىسى ازىرلەنبەك

89 رەت كورسەتىلدى

وتاندىق عالىمدار پەرسونالدى جانە پرەۆەنتيۆتى مەديتسينا ارقىلى COVID-19-دى باقىلاۋ، الدىن الۋ مەن ەمدەۋدىڭ قازاقستاندىق ءادىسىن ازىرلەمەك.

بۇگىن الماتىدا دەنساۋلىق ساقتاۋ ءمينيسترى ەلجان ءبىرتانوۆتىڭ قاتىسۋىمەن 2020-2022 جىلدارعا ارنالعان «قازاقستاندا پەرسونالدى جانە پرەۆەنتيۆتى مەديتسينا ەنگىزۋ تۋرالى» عىلىمي-تەحنيكالىق باعدارلاماعا ارنالعان كەڭەس ءوتتى، دەپ حابارلايدى مينيسترلىكتىڭ ءباسپاسوز قىزمەتى.

مينيستر باستاعان توپ پەن رەسپۋبليكالىق عىلىمي قوعامداستىق باكتەريولوگيا، ۆيرۋسولوگيا، يممۋنولوگيا جانە مولەكۋلالىق گەنەتيكا ماسەلەلەرىن تالقىلادى.

س.د.اسفەندياروۆ اتىنداعى قازۇمۋ عىلىم جانە تسيفرلاندىرۋ جونىندەگى پرورەكتورى ب.ءجۇسىپوۆ 2020-2022 جىلدارعا ارنالعان «قازاقستان رەسپۋبليكاسىندا پەرسونالدى جانە پرەۆەنتيۆتى مەديتسينا ەنگىزۋ تۋرالى» عىلىمي-تەحنيكالىق باعدارلاما ۇسىندى. عىلىمي جوبانىڭ ماقساتى –دەنساۋلىق ساقتاۋ سالاسىنا گەنومدىق، جاسۋشالىق جانە اقپاراتتىق تەحنولوگيالارمەن بىرگە پەرسونالدى مەديتسينا ەنگىزۋ، سونداي-اق نەگىزگى ينفەكتسيالىق ەمەس اۋرۋلاردىڭ جانە COVID-19 پروفيلاكتيكاسىن، تەراپياسىن باسقاراتىن شەشىمدەر ازىرلەۋ.

باعدارلاما ىسكە اسسا، ەپيدەميولوگيالىق، ەكونوميكالىق، نورماتيۆتىك قۇرالداردى قولدانىپ، گەنەتيكالىق فاكتورلاردى ەسكەرە وتىرىپ، الەۋمەتتىك ماڭىزى بار اۋرۋلار مەن COVID-19، نەگىزگى نوزولوگيالار بويىنشا قازاقستاندا پەرسونالدى پروفيلاكتيكا مەن تەراپيانى ەنگىزۋ ءۇشىن دالەلدەمە بازاسىن، ونىڭ ىشىندە وتاندىق رەفەرەنتتىك گەنوم قۇرىلادى.⠀

سونداي-اق، ادامنىڭ گەنەتيكالىق ەرەكشەلىكتەرىن ەسكەرە وتىرىپ انتيدەنەلەردىڭ تارالۋىن، ۆيرۋستىڭ جانە اۋرۋدىڭ دارەجەسىنە اسەر ەتەتىن، COVID-19-دى باقىلاۋ، الدىن الۋ جانە ەمدەۋ ادىستەرىن ازىرلەۋ ماسەلەسى قارالدى. سوزىلمالى دەرتى بار پاتسيەنتتەردى ەمدەۋ ناتيجەسىن جاقسارتۋ ءۇشىن ولاردىڭ جەكە سيپاتتامالارىن ەسكەرەتىن جاساندى ينتەللەكت ەنگىزۋ دە تالقىلاندى.⠀

كەڭەسكە دەنساۋلىق ساقتاۋ مينيسترلىگىنە قاراستى جوعارى وقۋ ورىندارى مەن عىلىمي ورتالىقتاردىڭ قىزمەتكەرلەرى، عالىمدار، مينيسترلىگىنىڭ ۆەدومستۆولىق ۇيىمدارى قاتىستى.⠀

كەزدەسۋ سوڭىندا ەلجان ءبىرتانوۆ قاتىسۋشىلارعا العىس ءبىلدىردى. COVID-19 دياگنوستيكالاۋ مەن ەمدەۋ ءۇشىن جاڭا عىلىمي كومپونەنتتىڭ وتە ماڭىزدى ەكەنىن جانە ول پراكتيكادا اسا قاجەتتىگىن ەسكەردى.⠀

ءمينيستردىڭ ايتۋىنشا، كوروناۆيرۋس ينفەكتسياسىن عىلىمي زەرتتەۋلەر ۆيرۋسپەن كۇرەسۋدىڭ جانە ونىڭ تارالۋىن تەجەۋدىڭ تىڭ جولىن كورسەتەدى. ە.ءبىرتانوۆ عىلىمي تاجىريبەنى پرەۆەنتيۆتى مەديتسيناعا تەزىرەك يمپلەمەنتاتسيالاۋ ءۇشىن ءتيىستى ۇيىمدارمەن بىرگە ينستيتۋتسيونالدىق راسىمدەردى ىسكە قوسۋدى جانە مينيسترلىك جانىنان ەپيدەميولوگيا مەن بيوقاۋىپسىزدىك ماسەلەلەرى بويىنشا مامانداندىرىلعان كونسۋلتاتتسيالىق كەڭەس قۇرۋدى تاپسىردى.

سوڭعى جاڭالىقتار

ۇقساس جاڭالىقتار