ايماقتار • 22 مامىر، 2020

تۇركىستان وبلىسىندا 14 ءورت وقيعاسى تىركەلگەن

21 رەت كورسەتىلدى

تۇركىستان وبلىسى اۋماعىندا بيىلعى 5 ايدا  جەرگىلىكتى ورمان شارۋاشىلىعى جەرلەرىندە 14 ءورت وقيعاسى تىركەلدى. كەلتىرىلگەن ماتەريالدىق شىعىننىڭ جالپى سومماسى - 802،2 مىڭ تەڭگە شاماسىندا. ورمان ءورتىنىڭ كولەمى - 2347،8 گەكتار، ونىڭ 287 گەكتارى  ورماندى القاپ.

وڭىرلىك كوممۋنيكاتسيالار قىزمەتىندە وتكەن بريفينگتە وسىنداي دەرەكتەر كەلتىرگەن توتەنشە جاعدايلار دەپارتامەنتىنىڭ باسقارما باستىعىنىڭ ورىنباسارى اسانعالي تولەپبەرگەن  ورمان، دالا ورتتەرىنىڭ الدىن الۋ جانە جويۋ جونىندەگى ءىس-شارالار جوسپارى ازىرلەنىپ، ءتيىستى مەكەمەلەرگە جۇمىس جۇرگىزۋ ءۇشىن تاپسىرمالار بەرىلگەنىن اتاپ ءوتتى.  «وبلىستىق اكىمدىكپەن بەكىتىلگەن «مەملەكەتتىك ورتكە قارسى قىزمەتى جوق ەلدى مەكەندەردە 2018-2020 جىلداردا ءورت ءسوندىرۋ بەكەتتەرىن قۇرۋ» تۋرالى جوسپارعا سايكەس، بيىل 11 بەكەت قۇرۋ كوزدەلگەن. بۇگىنگى تاڭدا بارلىق قالا، اۋدان اكىمدىكتەرى ءتيىستى جۇمىستار اتقارۋدا. جاسالىنىپ جاتقان جۇمىستار ناتيجەسىندە وبلىس اۋماعىندا 13 بەكەت جۇمىس ىستەۋدە»، دەدى اسانعالي ماديحان ۇلى. 

سونداي-اق دەپارتامەنت وكىلى وڭىردەگى توتەنشە جاعدايلار باسقارمالارى مەن بولىمدەرىنىڭ قۇرامدىق-تەحنيكالىق جاعدايىنان مالىمەتتەر كەلتىرىپ، اتقارىلعان جۇمىستار جونىندە باياندادى.

سوڭعى جاڭالىقتار

ۇقساس جاڭالىقتار