قازاقستان • 22 مامىر، 2020

بەيسەن قۇرانبەك اتىنداعى «جىگەر» جاستار سىيلىعى جاريالاندى

2722 رەتكورسەتىلدى

قازاقستان رەسپۋبليكاسى اقپارات جانە قوعامدىق دامۋ مينيسترلىگى تانىمال جۋرناليست بەيسەن قۇرانبەك اتىنداعى جاستار اراسىنداعى «جىگەر» سىيلىعىن جاريالادى. بۇل تۋرالى مينيسترلىك Telegram ارناسىندا حابارلادى.

«ماقساتى - بۇقارالىق اقپارات قۇرالدارىندا وزىندىك شەبەرلىگىمەن كوزگە تۇسكەن جازبا جانە ەلەكتروندى ءباسپاسوز قۇرالدارىندا جۇمىس ىستەيتىن جاس تىلشىلەردى قولداۋ. شىعارماشىلىق ىزدەنىستەرىن شىڭداۋعا جىگەرلەندىرۋ. قازاقستان جۋرناليستيكاسىنىڭ دامۋىنا سەرپىن بەرۋ. كورنەكتى جۋرناليست بەيسەن قۇرانبەكتىڭ جارقىن بەينەسىن ەستە قالدىرۋ»، - دەلىنگەن حابارلامادا.

ۇيىمداستىرۋ كوميتەتى: اقپارات جانە قوعامدىق دامۋ مينيسترلىگى
سىيلىق 4 نوميناتسيا بويىنشا بەرىلەدى.
- الەۋمەتتىك تاقىرىپتاعى ۇزدىك تۆ سيۋجەت;
- الەۋمەتتىك تاقىرىپتاعى ۇزدىك ماقالا;
- الەۋمەتتىك تاقىرىپتاعى ۇزدىك ماتەريال (الەۋمەتتىك جەلى);
- الەۋمەتتىك تاقىرىپتاعى ۇزدىك فوتوسۋرەت.

بايقاۋعا تەلەۆيزيا، باسپا، ينتەرنەت جۋرناليستيكانىڭ جانە فوتوسۋرەتشىلەر، جاڭا مەديا (الەۋمەتتىك جەلىلەر) سالانىڭ كاسىبي جانە كاسىبي ەمەس جاس جۋرناليستەرى (18-35 جاس ارالىعى) قاتىسىپ، باعىن سىناي الادى.

بايقاۋ ۇزدىكتەرىن ارنايى قۇرىلعان قازىلار القاسىنىڭ مۇشەلەرى ايقىندايتىن بولادى. قازىلار القاسىنىڭ قۇرامىنا ەلىمىزدىڭ مەديا سالاسىنىڭ دامۋىنا ەلەۋلى ۇلەس قوسقان تانىمال مەديا مەنەدجەرلەر، جۋرناليستەر، قوعام قايراتكەرلەرى كىرەدى.

«جىگەر» سىيلىعىنا ءوتىنىش 2020 جىلدىڭ 26 مامىر مەن 15 ماۋسىم ارالىعىندا mdq.kz سايتىندا قابىلدانادى. سىيلىققا قاتىستى تولىق اقپاراتتى (قاتىسۋ ەرەجەسىن) «مەديا دامىتۋ قورى» كورپوراتيۆتىك قورىنىڭ رەسمي سايتىنان (mdq.kz) الا الاسىز.

سوڭعى جاڭالىقتار

ۇقساس جاڭالىقتار