كونفەرەنتسياعا بارلىعى 243 عىلىمي ماقالا ۇسىنىلعان. بارلىق ماقالالار ەلەكتروندىق فورماتتاعى كونفەرەنتسيا جيناقتارىندا جاريالانىپ, اۆتورلارعا جىبەرىلەتىن بولادى. سونداي-اق, بيىلعى جىلى بارلىق جوسپارلانعان عىلىمي ءىس-شارالاردىڭ فورماتى بەلگىلى سەبەپتەرگە بايلانىستى كۇندىزگى رەجيمدە قاشىقتىقتان وتكىزىلەدى.
عىلىمي كونفەرەنتسيانىڭ جۇمىسىنا ەلىمىزدىڭ جانە ۆەنگريا, مونعوليا, رەسەيدىڭ بەلگىلى عالىمدارى قاتىسىپ, ءوز تاجىريبەلەرىمەن ءبولىستى. پلەنارلىق وتىرىستا وتاندىق جانە شەتەلدىك تانىمال عالىمدار بايانداما جاسادى.
كونفەرەنتسيا بارىسىندا ۇستازدار مەن جاس عالىمدار تاراپىنان بايانداماشىلارعا كوپتەگەن سۇراقتار قويىلىپ, ولارعا ناقتى جاۋاپتار الىندى. بۇل سۇراقتاردا اسىرەسە, شوقاننىڭ پاريجگە ساپارى, عالىمنىڭ سىرىمبەتتە دۇنيەگە كەلۋى, ۇلى دالا حالقىنىڭ مادەنيەتى, شوقان ءۋاليحانوۆ تۇلعاسىن زەرتتەگەن عالىمدار, شوقاننىڭ ادەبيەتتانۋشى عالىم ەكەندىگى ءالى دە بولسا تولىق زەرتتەلىپ, ناقتى ايتىلماي جۇرگەنىنە باسا نازار اۋدارىلدى. بۇنداي ماڭىزى زور كونفەرەنتسيالار عىلىمي زەرتتەۋ جۇمىستارىن ودان ءارى دامىتۋعا جول اشادى.
