باعدارلاما بويىنشا ءار وتباسى ءۇشىن ءۇش ءىرى ترانشپەن 17 ملن تەڭگە كولەمىندە وتەماقى تولەۋ كوزدەلگەن. بۇگىنگى كۇنى 19 وتباسى 8,5 ملن تەڭگە كولەمىندە ءبىرىنشى ترانش الدى (جالپى سومانىڭ 50%). قالعان 25% - دان 2 ترانش تۇرعىن ءۇي قۇرىلىسىنىڭ بارىسىندا تولەنەدى. سونىمەن قاتار اۋدان اكىمدىگى زاقىمدالعان تۇرعىن ۇيلەردى ەسەپتەۋ جانە تۇرعىندارعا وتەماقى الۋ ءۇشىن كەرەك قۇجاتتاردى جيناۋ بويىنشا كومەك كورسەتۋ جۇمىستارىن جالعاستىرۋدا.
وسى ارادا ايتا كەتەلىك, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بارلىق قاجەتتى قۇرالدارمەن جابدىقتالعان ءموبيلدى حقو-لارى اۋدان بويىنشا ورنالاسقان ەۆاكۋاتسيالاۋ پۋنكتتەرىن كەزەكپەن ارالاپ, جوعالعان قۇجاتتاردى قايتا قالپىنا كەلتىرۋگە كومەك كورسەتۋدە. توتەنشە جاعداي ورىن العان مامىر ايىنىڭ باسىنان باستاپ ماقتاارالدىقتارعا كورپوراتسيا ءوز ەسەبىنەن اقىسىز تۇردە 210 تەحنيكالىق تولقۇجات, 245 مەنشىك يەسى تۋرالى مالىمەت, 872 جىلجىمايتىن م ۇلىكتىڭ تەحنيكالىق تولقۇجاتتارىن جانە قۇقىق بەلگىلەيتىن قۇجاتتىڭ مۇراعاتتىق كوشىرمەسىن بەرىپ, 210 ولشەپ-سىزۋ جۇمىستارىن جۇرگىزدى. 492 تۇرعىن جىلجىمايتىن م ۇلىك دەرەكقورىنداعى قاتەلىكتەردى تۇزەتىپ, 1 300 ادام قاجەتتى قۇجاتتارىن راسىمدەپ, باسقا دا مەملەكەتتىك قىزمەتتەر العان. قازىرگى ۋاقىتتا مەملەكەتتىك كورپوراتسيانىڭ 25 قىزمەتكەرى جەر كاداسترى جانە جىلجىمايتىن م ۇلىك قۇجاتتارىن قالپىنا كەلتىرۋ ءۇشىن ءوتىنىش قابىلداپ, تۇرعىندارعا كەڭەس بەرۋدە.
