نازارباەۆ ورتالىعى مەن قازاقستان رەسپۋبليكاسىنىڭ تۇڭعىش پرەزيدەنتى مۋزەيى عيماراتىنىڭ ەكسپوزيتسيا زالدارىنا شولۋ جاسايتىن بەينەتۋرلار – ەلباسى كىتاپحاناسىنىڭ ارنايى جوباسى. كورەرمەندەر كىتاپحانا عيماراتتارى ساۋلەتىمەن, زالدار احۋالىمەن, بىرەگەي مۋزەي, كىتاپحانا جانە ارحيۆتىك جيناقتارمەن قاشىقتان تانىسۋعا مۇمكىندىك الادى. بارلىق ەكسكۋرسيالار ەلباسى كىتاپحاناسى سايتىنداعى «بەينەگالەرەيا» بولىمىندە قازاق, ورىس, اعىلشىن تىلدەرىندە جاريالانعان.
بەينەتۋردى جۇرگىزگەن ەلباسى كىتاپحاناسىنىڭ ەكۋسكۋرسيا قىزمەتكەرلەرى عيماراتتىڭ تاريحىنا توقتالىپ, ونىڭ تورىنەن ورىن العان ەكسپوزيتسيالار مەن كورمەلەرگە قاتىستى دەرەكتەردى كەلتىرەدى.
ەلباسى كىتاپحاناسى بويىنشا بەينەتۋر
قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ عيماراتى الەمدە تانىمال بريتان ساۋلەتشىسى نورمان فوستەردىڭ جوباسىمەن سالىنعان. سىرت كەلبەتى اسپانعا زەر سالعان كوزدىڭ قاراشىعىن بەينەلەيتىن عيمارات زااماناۋي قازاقستاننىڭ ومىرشەڭ قۋاتىن بىلدىرەدى. عيماراتتىڭ ەكىنشى, ءۇشىنشى قاباتىندا ەلباسى كىتاپحاناسىنىڭ مۋزەي, ارحيۆ جيناقتارىنان جاساقتالعان ەكسپوزيتسيالار ورنالاسقان. ەلباسى جەكە ءارحيۆىنىڭ قۇجاتتارى مەن فوتوماتەريالدارى تاۋەلسىز قازاقستاننىڭ قالىپتاسۋ ۇدەرىسىن, پرەزيدەنتتىك ينستيتۋتتىڭ قۇرىلۋىن, جاڭا مەملەكەت پەن ونىڭ استاناسىنىڭ مەملەكەتتىك قۇرىلىسىن بەينەلەيدى.
ەلباسى كىتاپحاناسىنىڭ مۋزەيى بويىنشا بەينەتۋر
بەينەەكسكۋرسيا كورەرمەندەردى تۇڭعىش پرەزيدەنتتىڭ العاشقى رەزيدەنتسياسى, كەيىن ەلباسى كىتاپحاناسىنىڭ مۋزەيىنە اينالعان تاريحي كەشەنمەن تانىستىرادى. نۇرسۇلتان نازارباەۆ 1997-2004 جىلدارى وسى عيماراتتا جۇمىس ىستەگەن. ەلباسىنىڭ جۇمىس كابينەتى باستاپقى كەيپىندە ساقتالعان. باسقا زالداردا قازاقستاننىڭ جاڭا تاريحىنىڭ نەگىزگى كەزەڭدەرىن بەينەلەيتىن ەكسپوزيتسيالار ۇسىنىلعان. ەلباسى مۋزەيىنىڭ جيناعى 11 مىڭنان استام ساقتاۋ بىرلىگىن قۇرايدى.
قازاقستان رەسپۋبليكاسىنداعى پرەزيدەنتتىك ينستيتۋتتىڭ 30 جىلدىعىنا ارنالعان بەينەتۋر
30 جىل بۇرىن, قازاقستاندا العاش رەت پرەزيدەنت قىزمەتى بەكىتىلدى. 1990 جىلعى 24 ساۋىردە نۇرسۇلتان ءابىش ۇلى نازارباەۆ قازاق كەڭەستىك سوتسياليستىك رەسپۋبليكاسى جوعارعى كەڭەسىنىڭ سەسسياسىندا قازاق كسر پرەزيدەنتى بولىپ سايلاندى. بۇل كەزەڭ ەلىمىزدىڭ تاريحىندا تۇبەگەيلى وزگەرىستەردىڭ باستاۋ الۋىمەن تۇسپا-تۇس كەلدى. بەينەەكسكۋرسيادا قازاقستانداعى پرەزيدەنتتىك ينستيتۋتتىڭ قالىپتاسۋ تاريحىنىڭ نەگىزگى وقيعالارىنان سىر شەرتەتىن فوتو, بەينە قۇجاتتار مەن مۋزەي جادىگەرلەرى ۇسىنىلعان.
باتىرلار ينستيتۋتى: ءداستۇر, مارتەبە جانە قارۋ-جاراق تاريحى
«قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قارۋ-جاراق توپتاماسى» تۇڭعىش پرەزيدەنت رەزيدەنتسياسى كەزىندە قازاقستان رەسپۋبليكاسى قاۋىپسىزدىك كەڭەسىنىڭ زالى بولعان بولمەدە ورنالاسقان. مۇندا ساقتالعان ءاربىر جادىگەر – شەتەل مەملەكەت جانە ۇكىمەت باسشىلارىنىڭ, قوعامداستىق وكىلدەرىنىڭ ەلباسىعا تابىس ەتكەن تارتۋى. قارۋ-جاراق توپتاماسىندا الەمنىڭ كوپتەگەن ەلدەرىنىڭ زاماناۋي ەڭ ۇزدىك قارۋ-جاراق ونەرى شەبەرلەرىنىڭ باعا جەتپەس تۋىندىلارىنان قۇرالعان.
«بەينە مەن ءپىشىن ۇندەستىگى» توپتاماسى
حالىقارالىق مۋزەي كۇنىنە وراي ەلباسى كىتاپحاناسىنىڭ رەسمي سايتىندا «بەينە مەن ءپىشىن ۇندەستىگى» كورمەسىنىڭ بەينەتۋرى ۇسىنىلعان. اتالعان توپتاماعا قازاقستان حالقىنا, ەلباسىنا ءوزارا سىيلاستىق پەن دوستىقتىڭ نىشانى رەتىندە الەمنىڭ ءتۇرلى ەلدەرىنىڭ ليدەرلەرى, حالىقارالىق ۇيىمدار مەن كومپانيالار جەتەكشىلەرى تارتۋ ەتكەن ديپلوماتيالىق سىيلىقتار جيناعى ەندى. ەكسپوزيتسيادا فارفور, شىنى, كەراميكا, مەتالل, تاس, اعاش سياقتى ماتەريالداردان جاسالعان جادىگەرلەر مەن الەمگە بەلگىلى مانۋفاكتۋرالار مەن فابريكالاردىڭ ونىمدەرى ۇسىنىلعان.
