دۇنيە ەسىگىن اشقان نارەستەلەردىڭ ساۋلىعىنا 540 اق حالاتتى ابزال جان قىزمەت ەتۋدە.⠀قالاداعى پەريناتالدىق ورتالىق 225 توسەك-ورىنعا شاقتالعان. تۇركىستاننان وزگە كەنتاۋ قالاسى, سوزاق جانە وتىرار اۋداندارىنا, ياعني 450 مىڭ تۇرعىنعا قىزمەت ەتەدى. پەرزەنتحانا قۇرامىندا ەرەسەكتەر جانە بالالار رەانيماتسياسى, ەكى بوسانعاننان كەيىنگى بولىمشە, پەرزەنتحانا, ءۇش وپەراتسيالىق بلوك, جۇكتى ايەلدەر پاتولوگياسى, شالا تۋعان بالالاردى كۇتۋ, دياگنوستيكالىق پالاتامەن قابىلداۋ, گينەكولوگيا بولىمشەلەرى جانە كونسۋلتاتسيالىق دياگنوستيكالىق بلوك بار.
ودان وزگە دايىن دارىلىك زاتتاردى ساقتاۋعا ارنالعان ءدارىحانا, رەنتگەن سىندى قوسىمشا بولىمشەلەرى دە اشىلعان.⠀
تۇركىستان قالاسى اكىمى ءباسپاسوز قىزمەتىنىڭ دەرەگىنشە, سوڭعى 5 جىلدا 39686 بالا دۇنيەگە كەلگەن. پەريناتالدىق ورتالىقتا قىزمەت كورسەتۋ ساپاسىن جاقسارتۋ ماقساتىندا جاڭا زاماناۋي اپپاراتۋرالار الىنۋدا. سونداي-اق اكۋشەر - گينەكولوگ, رەانيماتولوگتار, كورەيادا, ليتۆادا, ماسكەۋدە جانە سانكت-پەتەربۋرگتە ءبىلىمىن جەتىلدىرىپ كەلگەن.
تۇركىستان وبلىسى
