سىبايلاس جەمقورلىقتىڭ الدىن الۋ باستى نازاردا

توتەنشە جاعداي كەزىندە سىبايلاس جەمقورلىققا قارسى كونتەنتتىڭ ۇزدىكسىز تاراتىلۋى ونلاين رەجىمدە قامتاماسىز ەتىلدى. رەسپۋبليكا بويىنشا اقپاراتتىق-اعارتۋ جۇمىستارى الەۋمەتتىك جەلىلەرگە (facebook, instagram) باعىتتالعان, اقپاراتتىق-اعارتۋ شتابىنىڭ (بۇدان ءارى – ااش) رەسمي پاراقشالارى اشىلىپ, وندا اپتا سايىن شتاب مۇشەلەرىنىڭ ۇندەۋلەرى جاريالاندى. بۇگىنگى تاڭدا سىبايلاس جەمقورلىقتىڭ الدىن-الۋ جانە پاراساتتىلىق مادەنيەتىن قالىپتاستىرۋ بويىنشا 193 مىڭ ادامدى قامتىعان 581 تىكەلەي ەفير ۇيىمداستىرىلدى.

رەسپۋبليكالىق اقپاراتتىق-اعارتۋ شتابىنىڭ ۇيىمداستىرۋىمەن اعىمداعى جىلدىڭ 9 ءساۋىرى مەن 1 مامىرى ارالىعىندا رەسپۋبليكادا العاش رەت ونلاين رەجىمدە «ANTIKOR ايتىس» ءوتتى. «ANTIKOR ايتىسقا» رەسپۋبليكانىڭ ءار ايماعىنان 16 سۋىرىپ سالما اقىن قاتىستى, ولاردىڭ اراسىندا حالىقارالىق جانە رەسپۋبليكالىق ايتىستاردىڭ جەڭىمپازدارى مەن جۇلدەگەرلەرى بار.

كورەرمەندەر بايقاۋدى شتابتىڭ الەۋمەتتىك جەلىلەردەگى رەسمي پاراقشالارىنان تاماشالادى. بايقاۋدىڭ ناتيجەسى 1 مامىردا ونلاين داۋىس بەرۋ جانە ادىلقازىلار القاسىنىڭ پايىزدىق ۇلەستەرى ارقىلى شىعارىلدى.

اگەنتتىكتىڭ «Adal kómek» جوباسى اياسىندا توتەنشە جاعداي جاريالانعاننان بەرى شامامەن 500 مىڭنان استام ادامدى قامتىعان 250-گە جۋىق تىكەلەي ەفير تاراتىلدى.  قازىرگى ۋاقىتتا جوبا كۋراتورى, تانىمال زاڭگەر, قر پرەزيدەنتى جانىنداعى ۇلتتىق قوعامدىق سەنىم كەڭەسى مۇشەسى, ادام قۇقىقتارى جونىندەگى ساراپشى ايمان وماروۆانىڭ جەكەلەگەن ايماقتاردىڭ تۇرعىندارى ءۇشىن جەكە زاڭدى كەڭەستەرى جوسپارعا سايكەس اپتا سايىن وتكىزىلەدى.

«Antikor.Live» جوباسىنىڭ اياسىندا توتەنشە جاعداي كەزىندە اگەنتتىك پەن ونىڭ اۋماقتىق دەپارتامەنتتەرى, «Adaldyq alańy» جوبالىق كەڭسەلەرى تانىمال الەۋمەتتىك جەلىلەردە 900 تىكەلەي ەفير ۇيىمداستىرىپ, ولاردىڭ قارالىمى 700 مىڭعا جەتتى.

ساپالى كونتەنت پەن ناقتى اقپاراتتى تاراتۋ ءۇشىن مەملەكەتتىك ورگانداردىڭ ءبىرىنشى باسشىلارى مەن ءتۇرلى سالا ماماندارىنىڭ اراسىنان 722 سىرتقى ساراپشى-سپيكەرلەر شاقىرىلدى.

اگەنتتىكتىڭ ارنايى مونيتورينگ توبى (بۇدان ءارى – امت) قوعامدىق ينستيتۋتى سىبايلاس جەمقورلىققا قارسى ءتيىمدى تەتىكتەردىڭ ءبىرى بولىپ سانالادى. توتەنشە جاعداي كەزىندە امت توسقاۋىل بەكەتتەردىڭ كارانتين تالاپتارىن ساقتاۋىنا تۇراقتى تۇردە مونيتورينگ جۇرگىزىپ وتىردى. بۇل جۇمىس ازاماتتاردىڭ ءومىر ءسۇرۋىن قامتاماسىز ەتۋگە باعىتتالعان جۇك تاسىمالى سالاسىنداعى سىبايلاس جەمقورلىق تاۋەكەلدەرىن جانە اكىمشىلىك كەدەرگىلەردى جويۋ ماقساتىندا جۇزەگە اسىرىلدى. بۇل جۇمىستاردىڭ بارلىعى الەۋمەتتىك جەلىلەردە كەڭىنەن جاريالاندى.

بارلىق ايماقتاردا الەۋمەتتىك ماڭىزدى نىسانداردا قاجەتتى تاۋارلارعا جانە ولاردىڭ باعاسىنا مونيتورينگ جۇرگىزىلدى. سونىمەن بىرگە, قوعامدىق بەلسەندىلەر ەپيدەمياعا قارسى ءىس-شارالاردى قولداۋعا بولىنگەن قارجىنىڭ جۇمسالۋىنا, سونداي-اق كوروناۆيرۋسپەن كۇرەسۋگە قاجەتتى ءدارى-دارمەكتەر مەن جابدىقتاردى ساتىپ الۋعا قوعامدىق باقىلاۋ جۇرگىزدى.

باتىس قازاقستان وبلىسىنىڭ امت مۇشەلەرى مەن جەرگىلىكتى كاسىپكەرلەردىڭ ارالاسۋىنان كەيىن مەديتسينا قىزمەتكەرلەرىنىڭ وبلىس ورتالىعىنىڭ قوناق ۇيلەرىندە تۇرۋ ماسەلەسى وڭ شەشىمىن تاپتى.

قوعامدىق پىكىردىڭ كوشباسشىلارى رەتىندە امت مۇقتاج ازاماتتارعا قولداۋ كورسەتۋ بويىنشا كوپتەگەن قايىرىمدىلىق جۇمىستارىن جۇرگىزۋدە. بۇگىنگى تاڭدا 10 مىڭنان استام وتباسى توتەنشە جاعداي كەزىندە ازىق-ت ۇلىكپەن قامتاماسىز ەتىلدى.

رەسپۋبليكالىق امت مۇشەسى ر.كيبكە «سىبايلاس جەمقورلىققا قارسى كاريكاتۋرا» تاقىرىبىندا مەكتەپ وقۋشىلارىنا ارنالعان ونلاين سۋرەتتەر بايقاۋىن وتكىزدى. قازىرگى ۋاقىتتا ينستاگرام الەۋمەتتىك جەلىسىندە ونلاين داۋىس بەرۋ ءجۇرىپ جاتىر. بۇل تاجىريبەنى تاراتۋدى ۇسىندىق.

سونىمەن قاتار, امت-ءنىڭ رەسپۋبليكالىق جانە ايماقتىق قۇرىلىمدارى ۇنەمى تىكلەي ەفيرگە شىعىپ, كارانتين كەزىندەگى ارەكەتتەردىڭ الگوريتمدەرىن ءتۇسىندىردى جانە حالىققا قۇقىقتىق كومەك كورسەتتى. ولاردىڭ ىشىندە بەلسەندى بلوگەرلەر مەن ساراپشىلار, مىسالى, ت.بەردوڭگار, ر. وشاقباەۆ, ر. گاسانوۆ, ا.اسساندي, ب. بازاربەك, ا. جەكسەن جانە باسقالار بار.

COVID-19 پاندەمياسىنىڭ تارالۋىنا جانە ەلدە توتەنشە جاعدايدىڭ ەنگىزىلۋىنە بايلانىستى كاسىپكەرلەر ءوز قىزمەتىن جۇزەگە اسىرۋدا اكىمشىلىك كەدەرگىلەرگە تاپ بولدى. ماسەلەن, وڭىرلەردە ازاماتتاردىڭ قاتىسۋىمەن اۆتوموبيلدەردىڭ وبلىستىق ماڭىزى بار قالاعا (اۋدانعا) كىرۋى مەن شىعۋىن باقىلايتىن توسقاۋىل بەكەتتەر ورناتىلدى.

وڭىرلەردە كاسىپورىندار ءوز اۆتوكولىكتەرى مەن جۇمىسشىلارىن تىركەي الاتىن جۇيەلەر ىسكە قوسىلدى, بىراق بۇل جۇيەنى جۇزەگە اسىرۋدا قيىندىقتار تۋىندادى. بۇل ماسەلە «PROTECTING BUSINESS AND INVESTMENTS» جوباسى اياسىندا شەشىمىن تاپتى. ماسەلەن, الماتى قالاسىنداعى «JPL2» IP (تاماقتاندىرۋدى ۇيىمداستىرۋمەن اينالىسادى), «Policonnect» جشس (تۇتىنۋشىلىق تاۋارلاردى قالاارالىق جەدەل تاسىمالداۋمەن اينالىسادى), «INVAMED» جشس (مەديتسينالىق جابدىقتار, مەديتسينالىق توسەكتەر مەن مەديتسينالىق جيھازدار وندىرۋمەن اينالىسادى), قاراعاندى وبلىسىندا «قاراعاندى فارماتسەۆتيكالىق كەشەنى» جشس (يممۋنوبيولوگيالىق, بيوفارماتسەۆتيكالىق جانە تۇپنۇسقالىق ءدارى-دارمەكتەر وندىرىسىنە مامانداندىرىلعان), «قاراعاندى قالاسىن زالالسىزداندىرۋ» جشس, سولتۇستىك قازاقستان وبلىسىندا «گولۋب» جك (نان-توقاش ونىمدەرى) جوعارىدا اتالعان تىركەۋ جۇيەسىندە ماسەلەلەرگە تاپ بولدى. وسىعان وراي, كəسىپورىندار اگەنتتىكتىڭ اۋماقتىق دەپارتامەنتتەرىندەگى «PROTECTING BUSINESS AND INVESTMENTS» ايماقتىق جوبالارىنا جۇگىنىپ, ءوز ماسەلەلەرىن تەز شەشتى.

مەملەكەتتىك ورگانداردىڭ اشىقتىعى اياسىندا وبلىستاردا 1700 جۋىق «open space», فرونت كەڭسەلەر جانە سەرۆيستىك اكىمدىك اشىلدى.

جالپى 855 – «open space», 584 فرونت-كەڭسەلەر, 253 قالالىق, اۋداندىق جانە اۋىلدىق اكىمدىكتەردە سەرۆيستىك اكىمدىك اشىلدى. 2020 جىلى 176 – «open space», 79 – فرونت-كەڭسەلەر, 83 – قالالىق, اۋداندىق جانە اۋىلدىق اكىمدىكتەردە سەرۆيستىك اكىمدىك اشىلدى.

كوش باستاپ كەلە جاتقان اكىمدىكتەر: شىعىس قازاقستان, باتىس قازاقستان, پاۆلودار جانە الماتى وبلىستارى.

ءوزارا ارەكەتتەسۋدىڭ ونلاين فورماتى اياسىندا ورتالىق اپپارات دەيگەيىندە «Antokوrnews» جاڭالىقتار باعدارلاماسى قازاق جانە ورىس تىلدەرىندە 8 شىعارىلىم شىقتى. سونداي-اق, 9 ونلاين بريفينگ پەن 30 ونلاين سۇحبات ۇيىمداستىرىلدى. اتالعان ءىس-شارالار اگەنتتىكتىڭ Facebook-تەگى رەسمي پاراقشاسىندا تىكەلەي ەفيردە كورسەتىلدى. سونىمەن قاتار, بۇل ءىس-شارالاردىڭ بەينەجازباسى ازىرلەنىپ, وڭدەلگەن بەينەجازبا اگەنتتىكتىڭ رەسمي YouTube-كانالىنا ورنالاستىرىلدى جانە بۇقارالىق اقپارات قۇرالدارىندا تاراتىلدى.

اتالعان ءىس-شارالارعا تانىمال تۇلعالار قاتىستى. اگەنتتىكتىڭ قوعاممەن جۇمىسىنىڭ تيىمدىلىگى ازاماتتاردىڭ اگەنتتىككە جولدانعان العىس حاتتارىمەن راستالادى. العىستار كاسىپكەرلەردەن, مەملەكەتتىك قىزمەتشىلەردەن, كۆازيمەملەكەتتىك سەكتوردىڭ وكىلدەرىنەن, وقىتۋشىلاردان, ستۋدەنتتەردەن جانە باسقا ازاماتتاردان تۇسۋدە.

2019 جىلدىڭ شىلدەسىندە ءۇش جىل بويى تۇرعىن ءۇي كەزەگىن قالپىنا كەلتىرۋدى ىزدەگەن جانە سوت شەشىمدەرىن ورىنداماۋ فاكتىلەرىنە تاپ بولعان استانالىق تۇرعىننان حات كەلدى. ءبىر ايلىق تەكسەرۋدەن كەيىن ونىڭ كەزەگى قالپىنا كەلتىرىلىپ, پاتەرگە قول جەتكىزدى.

2019 جىلدىڭ 15 مامىرىندا اگەنتتىك توراعاسىنىڭ جەكە ەلەكتروندىق پوشتاسىنا ۆەدومستۆو قىزمەتكەرلەرىنىڭ ءتورت ستۋدەنتكە شەتەلدە وقۋعا گرانت بايقاۋىنا قاتىسۋ قۇقىعىن قالپىنا كەلتىرۋگە كومەكتەسكەنى تۋرالى حات كەلدى.

اگەنتتىككە شەتەلدىك كومپانيالاردىڭ وكىلدەرى دە جۇگىنۋدە

2019 جىلدىڭ قىركۇيەگىندە اگەنتتىككە شەتەلدىك ينۆەستوردان ريزاشىلىق حاتى كەلدى. سىبايلاس جەمقورلىققا قارسى قىزمەت قىزمەتكەرلەرى سالىق ورگاندارىنىڭ جالپى سوماسى 353 ملن تەڭگەدەن اساتىن كەدەندىك تولەمدەر, سالىقتار مەن ءوسىمپۇلداردى دۇرىس ەسەپتەمەۋى ماسەلەسىن شەشۋگە كومەكتەستى.

كەرى بايلانىس ايماقتارداعى سىبايلاس جەمقورلىققا تاپ بولعان قوعامدىق بىرلەستىكتەردەن كەلەدى. 2018 جىلدىڭ قازان ايىندا اقمولا وبلىسىنىڭ ءبىر اۋىلىنىڭ ارداگەرلەرى اتىنان حات كەلىپ ءتۇستى. ارداگەرلەر جەرگىلىكتى اكىمشىلىكتىڭ اۋىلدار اراسىنداعى جولدى جوندەۋگە بولىنگەن 289 ميلليون تەڭگە كولەمىندەگى بيۋدجەت قاراجاتىن باسقا ماقساتتارعا يگەرگەنىن جازعان. سىبايلاس جەمقورلىققا قارسى قىزمەتتىڭ وسى ىسكە ارالاسۋىنان كەيىن  جول جوندەۋ جۇمىستارى ىسكە قوسىلدى.

سىبايلاس جەمقورلىققا قارسى قىزمەتتە ازاماتتاردىڭ سەنىمى – تيىمدىلىكتى باعالاۋدىڭ باستى ولشەمى. سوندىقتان, اگەنتتىككە ءوز ماسەلەلەرىن شەشۋگە سەنىم بىلدىرگەن ازاماتتاردىڭ وتىنىشتەرى, سونداي-اق ولارمەن كەرى بايلانىس اگەنتتىك قىزمەتىنىڭ ماڭىزدى كورسەتكىشتەرى بولىپ تابىلادى.

سىبايلاس جەمقورلىققا قارسى قىزمەت جۇمىسىنىڭ ناتيجەسىندە جىل سايىن وتىنىشتەر سانى ارتىپ كەلەدى. 2016 جىلى 18 608 ءوتىنىش, 2017 جىلى – 20 352, 2018 جىلى – 22 097, 2019 جىلى – 26 866 ءوتىنىش ءتۇستى.

اگەنتتىكتىڭ ارالاسۋىنىڭ ارقاسىندا مۇنداي داۋلى ماسەلەلەر ۇنەمى شەشىمىن تاۋىپ وتىرادى. ۆەدومستۆو ازاماتتارعا بىلدىرگەن سەنىمدەرى ءۇشىن العىس بىلدىرەدى جانە بارلىق سىبايلاس جەمقورلىق فاكتىلەرى تۋرالى 1424 ءنومىرى بويىنشا Call-ورتالىعىنا حابارلاسۋدى سۇرايدى.