الماتى قالاسىندا شىعارماشىل جانە عىلىمي ينتەلليگەنتسيا وكىلدەرىنىڭ قاتىسۋىمەن «نۇر وتان» پارتياسىنىڭ جاڭا ساياسي دوكتريناسىنىڭ جوباسى تالقىعا سالىندى. وعان «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك قاتىسىپ, جيىلعان زيالى قاۋىم وكىلدەرىنىڭ ۇسىنىس-پىكىرلەرىنە دەن قويدى.
الماتى قالاسىندا شىعارماشىل جانە عىلىمي ينتەلليگەنتسيا وكىلدەرىنىڭ قاتىسۋىمەن «نۇر وتان» پارتياسىنىڭ جاڭا ساياسي دوكتريناسىنىڭ جوباسى تالقىعا سالىندى. وعان «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك قاتىسىپ, جيىلعان زيالى قاۋىم وكىلدەرىنىڭ ۇسىنىس-پىكىرلەرىنە دەن قويدى.
دوستىق ءۇيىنىڭ ءماجىلىس زالىندا وتكەن القالى جيىنعا پارتيا بەلسەندىلەرىمەن قاتار, مادەنيەت جانە اقپارات ۆيتسە-ءمينيسترى ارمان قىرىقباەۆ, پارلامەنت ءماجىلىسىنىڭ دەپۋتاتى, قازاقستان پرەزيدەنتى جانىنداعى ادام قۇقىقتارى جونىندەگى كوميسسيانىڭ توراعاسى, «نۇر وتان» پارتياسى جانىنداعى مادەنيەت پەن ونەردى دامىتۋ ماسەلەلەرىنە ارنالعان «ميراس» قوعامدىق كەڭەسىنىڭ توراعاسى قۋانىش سۇلتانوۆ, ۇلتتىق عىلىم اكادەمياسىنىڭ توراعاسى مۇرات جۇرىنوۆ, «استانا وپەرا» مەملەكەتتىك وپەرا جانە بالەت تەاترىنىڭ ديرەكتورى تولەگەن مۇحامەدجانوۆ, پارلامەنت سەناتىنىڭ دەپۋتاتى, قازاقستان جازۋشىلار وداعىنىڭ توراعاسى نۇرلان ورازالين, قازاقستان كومپوزيتورلار وداعىنىڭ ءتورايىمى بالنۇر قىدىربەك, جازۋشى-دراماتۋرگ, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اكىم تارازي جانە الماتى قالاسىندا ورنالاسقان جوعارى وقۋ ورىندارىنىڭ, بۇقارالىق اقپارات قۇرالدارىنىڭ باسشىلارى قاتىستى.
القالى جيىننىڭ ءجۇرگىزۋشىلىگىن قولىنا العان ق.سۇلتانوۆ پارتيانىڭ XV سەزى قارساڭىندا ەلىمىزدىڭ ءاربىر ءوڭىرى مەن ايماقتارىندا اتالعان دوكترينانى تانىستىرۋ جانە تالقىلاۋ جۇمىستارىنىڭ ءجۇرگىزىلىپ جاتقانىن, ونىڭ سىرتىندا سەزد الدىنداعى دايىندىق مەيلىنشە پىسىقتالۋدا ەكەنىن جەتكىزدى.
ءوز كەزەگىندە ب.بايبەك پارتيا ۇسىنىپ وتىرعان دوكترينانىڭ ۇستانعان باعىتى مەن سۇيەنەر قۇندىلىقتارىنا توقتالا وتىرىپ, «پارتيانىڭ جاڭا دوكتريناسى – ۋاقىت تالابى» دەپ اتالاتىن شاعىن بايانداما جاسادى. وندا ب.بايبەك جىل باسىنان بەرى اتقارىلعان ىستەردىڭ رەتىمەن تانىستىرىپ, پارتيا جانىنان قۇرىلعان جۇمىس توبىنىڭ ازىرلەگەن دوكترينا جوباسى جايلى, ونىڭ قوعامداعى ءرولى مەن ماڭىزى تۋرالى ايتىپ ءوتتى. ب.بايبەكتىڭ ايتۋىنشا, وتكەن اپتادا «نۇر وتان» پارتياسىنىڭ مۇشەلەرى بولىپ تابىلاتىن ۇكىمەتتىڭ 15 مۇشەسى, 80-نەن اسا دەپۋتات ەل ىشىندە جۇرگىزگەن ساياسي دوكترينانى تانىستىرۋ جانە تالقىلاۋ جۇمىستارىن قورىتىندىلاعان.
پارتيا توراعاسىنىڭ ءبىرىنشى ورىنباسارى ساياسي دوكترينانى تالقىلاۋ بارىسىندا جەر-جەرلەردە «نۇر وتان» پارتياسىنىڭ حالىقتى قابىلداۋ بولمەلەرى اشىلىپ, لەك-لەك بولىپ جينالعان حالىقتىڭ قاجەتتىلىگىمەن ەتەنە تانىسقانىن, بۇل قۇجات ەل كوكەيىندەگى ءماسەلەلەردى مەيلىنشە تولىق قامتيتىن جوبا رەتىندە قۇپتالىپ وتىرعانىن تىلگە تيەك ەتتى. مۇنان وزگە, ب.بايبەك جۋىردا استانا قالاسىندا وتكەن زيالى قاۋىم وكىلدەرىمەن كەزدەسۋ بارىسىندا ساياسي دوكتريناعا ەنگىزىلۋى ءتيىس بىرقاتار تولىقتىرۋلاردىڭ رەتىمەن دە تانىستىرىپ ءوتتى. استانا كەزدەسۋىندە دوكترينا جوباسىنىڭ قازاق ءتىلىندەگى نۇسقاسى مەن ۇلتتىق قۇندىلىقتارعا, وتاندىق ونەر مەن ادەبيەتكە, ءتىل مەن دىلگە قاتىستى ورىندى پىكىر-ۇسىنىستاردىڭ قارالعانىن, سول سەبەپتى ءبىر توپ قازاق زيالىلارىنان تۇراتىن («ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ جەتەكشىلىك ەتەتىن) ارنايى جۇمىس توبىنىڭ قۇرىلعانىن ايتا كەلىپ, پارتيانىڭ ۇسىنىپ وتىرعان ساياسي دوكتريناسىندا بىرلىك پەن كەلىسىمنەن كەيىنگى ورىندا ەكونوميكا مەن ساياساتتان بۇرىن ءتول مادەنيەت پەن رۋحانيات ماسەلەسى قوزعالىپ وتىرعاندىعىن, سوندىقتان دا ەلدىك ماسەلە قوزعالعاندا زيالى قاۋىم وكىلدەرىنىڭ ءرولى ەرەكشە ەكەندىگىن باسا ايتتى.
«دوكترينا – مەملەكەتتىڭ قازىناسى مەن ۇلتتىق قۇندىلىقتاردىڭ ساقتالۋىنا قىزمەت ەتەتىن باستى قۇجات جانە پارتيا مۇشەلەرى مەن بيلىك تىزگىنىنە يە بولعان ساياسي قايراتكەرلەر ۇستاناتىن نەگىزگى قۇرال. پارتيانىڭ ءاربىر مۇشەسى دوكتريناعا سۇيەنىپ ەلگە قىزمەت ەتۋى ءتيىس», دەپ ءوز ءسوزىن قورىتىندىلادى «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك.
قانات ەسكەندىر,
«ەگەمەن قازاقستان».
الماتى.
