مىسالى, سارىاعاش اۋدانىنا بەكىتىلگەن جاڭاتۇرمىس اۋىلىندا جالپى 4 ارنايى تەحنيكا مەن 30 قىزمەتكەر جۇمىلدىرىلعان. ولار اۋىل كوشەلەرىندەگى تاسقىننان جينالعان كۇل-قوقىستار مەن تۇرمىستىق قالدىقتاردى سىرتقا شىعارۋدا. تازالىق جۇمىستارىنا اۋىل تۇرعىندارى دا بەلسەنە اتسالىسۋدا. سونداي-اق دوستىق ەلدى مەكەنىندەگى تازالىق جۇمىستارىنا سارىاعاش اۋدانىنان 3 ارنايى تەحنيكا, 20 قىزمەتكەر جۇمىلدىرىلعان.
ال, كەلەس اۋدانىنا بەكىتىلگەن فيردوۋسي ەلدى مەكەنىندە 170 -تەن اسا ءۇي ارنايى ساراپتامادان ءوتىپ, بۇزۋ جۇمىستارى جالعاسۋدا. قازىرگى تاڭدا اتالعان ەلدى مەكەندەگى نۇردالا كوشەسىندە 14 ءۇي بۇزىلىپ, 4 ءۇيدىڭ الاڭى تازارتىلعان. ءار ۇيدەن ورتا ەسەپپەن تاۋلىگىنە 20-25 توننا قوقىس شىعارىلۋدا. ءدال وسىنداي جۇمىستار ورگەباس پەن جەڭىس اۋىلدارىندا دا اتقارىلۋدا. بۇل ايماقتارداعى تازالىق جۇمىستارىنا جەتىساي مەن شاردارا اۋداندارى جاۋاپتى.
